125 deputatdan 82-si, yəni 65.6%-i bundan öncə seçilmiş deputatlardır
Xəbər verdiyimiz kimi, Mərkəzi Seçki Komissiyası (MSK) fevralın 9-da keçirilmiş Milli Məclisə seçkilərin ilkin nəticələrini açıqlayıb.
FED.az xəbər verir ki, "Marja" ilkin nəticələrə əsasən araşdırma aparıb və 16 maraqlı fakt müəyyən edib.
1. Yeni parlament 5 yaş cavanlaşdı. Orta yaş 59-dan 54-də düşdü.
2. 4 nəfər deputat yerdəyişmə etdi:
1) Həsənquliyev Qüdrət Müzəffər oğlu 7 saylı Ordubad-Culfa dairəsindən 36 saylı Xətai 6-cı dairəsinə,
2) Zabelin Mixail Yuriyeviç 12 saylı Qaradağ Binəqədi Yasamal dairətsindən 34 saylı Xətai 2-ci dairəsinə
3) Seyidov Səməd İsmayıl oğlu 36 saylı Xətai 4-cü dairəsindən 107 saylı Qazax dairəsinə
4) Nəsirov Elman Xudam oğlu isə 89 saylı Göyçay – Ağdaş dairəsindən 68 saylı əlilabad qəsəbə dairəsinə
3. 43 deputat növbəti dəfə deputat olmadı. Onların heç biri seçkidə namizəd kimi iştirak etmirdi:
4. 125 deputatdan 82-si, yəni 65.6%-i bundan öncə seçilmiş deputatlardır. Yəni Milli Məclis 34,4% yenilənir.
5. Seçilmiş ən gənc deputat Lökbatan bələdiyyəsinin Sədr müavini Xasayeva Səbinə Səməd qızıdır. Onun 26 yaşı var. Qeyd edək ki, onun seçildiyi, əvvəllər Zabelin Mixail Yureviçin deputat olduğu 12 saylı Qaradağ-Binəqədi-Yasamal dairəsində əsas rəqibi iqtisadçı Natiq Cəfərli idi.
6. Yeni seçilmiş deputatlardan 3-ü işsiz idi.
7. Onlardan yanlız 6-sı özəl təşkilatlarda çalışırdı.
8. Yerdə qalan 34 deputat dövlət və ya qeyri-dövlət təşkilatlarında çalışıblar.
9. Yeni seçilmiş deputatlardan 8-i və ya 18%-i qadındır. Buna baxmayaraq Milli Məclisin qadın təmsilçilərinin sayı 21-dən 17-yə endi. Yeni parlamentin yanlız 13.6%-i qadın təmsilçilərdir.
10. Yeni Azərbaycan Partiyasının üzvü olan deputatların sayı 74-dən 72-yə endi.
11. Bitərəflərin sayı 39-dan 43-ə qalxdı.
12. Parlamentdə təmsil olunan partiyaların sayı 12-dən 9-a endi. Beləliklə, Azərbaycan Sosial Demokrat Partiyası, Azərbaycan Sosial Rifah Partiyası və Milli Dirçəliş Hərəkatı Partiyası yeni parlamentdə təmsil olunmurlar.
13. YAP-dan sonra parlamentdə ən çox təmsil olunan partiya 3 deputat ilə Vətəndaş Həmrəyliyi Partiyasıdır. Onun Sədri Sabir Rüstəmxanlı bundan əvvəlki Milli Məclisin tərkibində yox idi.
14. Trend İnformasiya Agentliyi MMC-nin iki direktor müavini, Mikayılova Sevil Əlirazı qızı və Nağıyev Arzu Nəsib oğlu deputat seçiliblər.
15. Yeni Parlamentin 28 deputatı və ya 22.4%-inin yaşı 65 və ya daha yuxarıdır. 7 nəfər və ya 5.6%-i isə 35 və ya daha az yaşlıdır. Parlamentin ən qoca və ən cavan deputatı arasında 56 yaş fərq vardır.
16. Öncəki parlamentdə 48 deputat və ya 38.4% deputatların yaşı 65 və daha yuxarı idi. Yanlız 2 nəfərin 35 və daha az yaşı var idi. Onlardan ən cavanının 34 yaşı var idi və beləliklə ən qoca və ən cavan deputatlar arasındakı yaş fərqi 50 il idi.
