Banner

Dövlət

"Seçkilərin yekunlarına təsir edən hal aşkarlanmayıb" - KONSTİTUSİYA MƏHKƏMƏSİ

"Seçkilərin yekunlarına təsir edən hal aşkarlanmayıb" - KONSTİTUSİYA MƏHKƏMƏSİ | FED.az
10:49 5 Mart 2020

Milli Məclisə seçkilərlə əlaqədar apellyasiya məhkəmələrindən və Ali Məhkəmədən daxil olan ərizələrə baxılıb.

Eləcə də bax: Bu gün Konstitusiya Məhkəməsi seçkilərlə bağlı - YEKUN QƏRAR VERƏCƏK

FED.az xəbər verir ki, bunu Konstitusiya Məhkəməsinin hakimi Rafael Qvaladze qurumun iclasında bildirib.

O bildirib ki, ərizələr Bakı, Gəncə, Sumqayıt, Şəki, Şirvan şəhərləri və Naxçıvandan daxil olub. “Bakı Apellyasiya Məhkəməsindən 72 şikayət daxil olub. Onlardan 13 iş aidiyyəti üzrə müvafiq məhkəmələrə göndərilib. 16 iş üzrə iddia mümkün sayılmayıb. 41 iş üzrə iddia əsassız olduğu üçün təmin edilməyib”,-deyə o məlumat verib.

Hakim qeyd edib ki, Sumqayıt Apellyasiya Məhkəməsində Mərkəzi Seçki Komissiyasının qərarı ilə 20 işə baxılıb.

“12 iş üzrə iddia təmin edilməyib. 7 iş üzrə iddia aidiyyəti üzrə göndərilib”.

Onun sözlərinə görə, Gəncə Apellyasiya Məhkəməsinin qərarları ilə 18 inzibati işə baxılıb. “Onlardan 15 iş üzrə iddia təmin edilməyib. 4 iş isə aidiyyəti üzrə göndərilib. Şirvan Apellyasiya Məhkəməsindən isə 24 ərizə daxil olub, onlardan 16 iddia təmin olunmayıb. Dörd ərizə isə mümkün sayılmayıb, bir ərizə isə aidiyyəti üzrə göndərilib”,-deyə o əlavə edib.

O qeyd edib ki, prokurorluq orqanlarından seçki hüquqlarının pozulması ilə bağlı 67 müraciət daxil olub.

“Daxil olan bütün müraciətlər araşdırılıb. Dairə seçki komissiyalarının protokollarının seçkilərin yekunlarına təsir edən hal aşkarlanmayıb”,-deyə o bildirib.

Digər xəbərlər

Banner