Gənclər və İdman Nazirlyinə yeni müavin təyinatı gözlənilir. FED.az xəbər verir ki, bu posta Fərhad Hacıyevin təyin ediləcəyi barədə məlumatlar var.
Xatırladaq ki, Fərhad Hacıyev Azərbaycan Respublikasının Prezidenti yanında Gənclər Fondunun icraçı direktorudur. 1980-ci ildə Sumqayıt şəhərində anadan olub. Azərbaycan Universitetini və Dövlət İqtisad Universitetini fərqlənmə ilə bitirib. Fəlsəfə üzrə fəlsəfə doktoru elmi dərəcəsi var.
Harvard Kennedi Məktəbinin məzunudur. Əmək fəaliyyətinə 1998-ci ildən Azərbaycan Respublikasının Gənclər Təşkilatları Milli Şurasında departament müdiri vəzifəsində başlayıb. 1999-cu ildə ARGTMŞ-in Məclis Sədri, 2000-ci ildə isə Baş Katibi seçilib. 2001-ci ildə Gənclər və İdman nazirliyində Beynəlxalq təşkilatlarla iş sektorunun müdiri vəzifəsinə təyin edilib.
2001-2002-ci illərdə Azərbaycan Respublikasının silahlı qüvvələrində hərbi xidmətdə olub. 2002-ci ilin noyabr ayında Gənclər və İdman nazirliyinin Gənclərlə iş şöbəsinin müdiri vəzifəsində çalışıb.
2006-2009-cu illərdə Avropa Şurasının Gənclərlə iş üzrə Proqram Komitəsinin sədri vəzifəsində işləyib. 2007-ci ildə pezident İlham Əliyevin sərancamı ilə “Dövlət qulluğunda fərqlənməyə görə” medalı ilə təltif edilib. 2015-ci ildə Birinci Avropa Oyunlarının təşkilində iştirak etdiyinə görə Azərbaycan Respublikası Prezidentinin Fəxri Diplomunu alıb.
Fərhad Hacıyev nazir müavini oldu
16:30
1 Mart 2018
