Hermes-S MMC
Anbardar
Son tarix 12 noy 2026 - [email protected]
“Hermes-S” MMC Anbardar vakansiyası elan edir
“Hermes-S” MMC tikinti layihələrində materialların, alətlərin və avadanlıqların düzgün uçotunun, saxlanmasının və təhvil-təslim proseslərinin təmin edilməsi məqsədilə Anbardar vəzifəsinə məsuliyyətli və diqqətli namizədləri dəvət edir.
Vəzifə haqqında
- Anbardar tikinti sahəsində anbara daxil olan və anbardan çıxan materialların qəbuluna, uçotuna, düzgün saxlanmasına, sənədləşdirilməsinə və təyinatı üzrə verilməsinə cavabdeh olacaq.
Əsas vəzifə və öhdəliklər
- Anbara daxil olan tikinti materiallarını, alətləri və avadanlıqları qəbul etmək, sayını və vəziyyətini yoxlamaq;
- Materialların qaimə, təhvil-təslim aktı və digər müvafiq sənədlər əsasında qəbulunu təmin etmək;
- Anbardan materialların yalnız müvafiq icazə və sənədlər əsasında verilməsini təşkil etmək;
- Anbara daxil olan və anbardan çıxan materialların uçotunu aparmaq;
- Anbar qalıqlarına mütəmadi nəzarət etmək və faktiki qalıqları uçot məlumatları ilə üzləşdirmək;
- Materialların növünə və xüsusiyyətlərinə uyğun şəkildə saxlanmasını təmin etmək;
- Materialların xarab olmasının, itkisinin və zədələnməsinin qarşısını almaq;
- Material və avadanlıqlara olan tələbat barədə rəhbərliyə məlumat vermək;
- Anbarın səliqəli və təhlükəsiz saxlanmasına nəzarət etmək;
- İnventarizasiyada iştirak etmək və aşkar edilmiş fərqlər barədə rəhbərliyi məlumatlandırmaq;
- Materialların sahələrə və briqadalara təhvil verilməsini sənədləşdirmək;
- Anbar sənədlərini, qaimələri və digər uçot sənədlərini düzgün qaydada saxlamaq;
- Anbarda yanğın təhlükəsizliyi, əməyin mühafizəsi və daxili intizam qaydalarına riayət etmək;
- Rəhbərlik tərəfindən verilən müvafiq tapşırıqları vaxtında və keyfiyyətlə yerinə yetirmək.
Namizədə qarşı tələblər
- Orta ixtisas və ya ali təhsil; müvafiq sahə üzrə təhsil üstünlükdür;
- Minimum 3 il iş təcrübəsi;
- Anbardar vəzifəsi üzrə iş təcrübəsi;
- Tikinti materialları, alətlər və avadanlıqlar haqqında biliklər;
- Materialların qəbulu, saxlanması, verilməsi və uçotunun aparılması üzrə praktiki bacarıq;
- Qaimə, təhvil-təslim aktı və digər anbar sənədləri ilə işləmək bacarığı;
- Anbar qalıqlarına nəzarət və inventarizasiya üzrə biliklər;
- MS Office, xüsusilə MS Excel proqramında işləmək bacarığı;
- Maddi məsuliyyət və sənədləşmə qaydalarını düzgün tətbiq etmək bacarığı;
- Diqqətlilik, dəqiqlik, məsuliyyət və intizam;
- Komandada işləmək və digər şöbələrlə koordinasiya qurmaq bacarığı;
- Tikinti sahəsində işləməyə uyğunluq.
Üstünlük hesab olunur
- Tikinti şirkətlərində anbardar kimi iş təcrübəsi;
- Böyükhəcmli tikinti layihələrində anbar uçotunun aparılması təcrübəsi;
- Anbar və material uçotu proqramları ilə işləmək bacarığı;
- İnventarizasiya və materialların təhvil-təslim proseslərində təcrübə;
- Tikinti materiallarının növləri, keyfiyyəti və saxlanma şərtləri üzrə biliklər.
İş şəraiti
- İş günləri: Həftənin 6 günü;
- İş saatları: 09:00–18:00;
- İş yeri: Xocavənd rayonu;
- Əmək haqqı: Başlanğıc 1200 Azn net
- Rəsmi əmək müqaviləsi;
- Peşəkar və işgüzar əmək mühiti;
- Uzunmüddətli əməkdaşlıq imkanları.
Vakansiyaya müraciət etmək istəyən namizədlər CV-lərini Müraciət et düyməsində qeyd olunan elektron poçt ünvanına göndərə bilərlər.
CV-də namizədin təhsil məlumatları, əvvəlki iş təcrübəsi, anbar uçotu və sənədləşmə üzrə bilikləri, eləcə də peşəkar bacarıqları ətraflı qeyd edilməlidir.
