Sosial

Hərbçilərin pensiyaları artımla ödənildi - NAZİRLİK

Hərbçilərin pensiyaları artımla ödənildi - NAZİRLİK | FED.az
14:44 1 Noy 2019

Hərbi və xüsusi rütbəli şəxslərin pensiyalarının müvafiq artımlarla birgə ödənişi artıq başa çatdırılıb.

FED.az xəbər verir ki, bu barədə Əmək və Əhalinin Soail Müdafiəsi Nazirliyinin (ƏƏSMN) İctimaiyyətlə əlaqələr şöbəsindən verilən məlumatda bildirilib.

Eləcə də bax: Hərbçilərin pensiyaları artımla birgə veriləcək - RƏSMİ

Qeyd olunub ki, Prezident İlham Əliyevin müvafiq sərəncamları əsasında hərbi və xüsusi rütbəli şəxslərin vəzifə və rütbə maaşlarındakı artımlarla əlaqədar bu kateqoriyadan olan pensiyaçıların pensiyalarında artımlar edilib:

“Həmin pensiyaların sentyabr və oktyabr aylarının artımları ilə birgə ödənişi artıq başa çatıb. Pensiya vəsaitləri onların bank hesablarına köçürülüb.

Beləliklə də, qeyd edilən şəxslərdən ibarət xeyli sayda şəxsin pensiyasının artırılması ilə bağlı hesablama və artımların tətbiqi böyük iş yükü yaratmasına baxmayaraq, bu işlər qısa müddətdə yerinə yetirilib. Nəticədə onların pensiyalarının hər hansı gecikməyə yol verilmədən, əvvəlki aylarda olduğu kimi, ayın sonunadək ödənişi təmin olunub”.

Rəsmi məlumata görə, müəyyən edilmiş qrafik üzrə həmin pensiya ödənişləri ötən dövrdə hər ayın 26-dan ayın sonunadək aparılıb.

Modern

 

 

Digər xəbərlər