“Bütün işğal dövründə biz artıq 300 min qaçqın və məcburi köçkünü yerləşdirmişik”.
Eləcə də bax: “Bundan sonra köçkünlərin Qarabağa qayıtmaları üzərində işləyəcəyik”
FED.az xəbər verir ki, bunu Prezident İlham Əliyev noyabrın 6-da “BBC News”a müsahibəsində deyib.
Dövlət başçısı bildirib ki, son illər ən güclü təsir bağışlayan illər olub:
“Çünki təkcə bu il biz 7 min köçkün ailəsini yerləşdiririk. Beləliklə, düşünürəm ki, biz ildə 7 mindən 10 minədək ailəni köçürə bilərik. Lakin, əlbəttə ki, bunun üçün bizim infrastruktura ehtiyacımız var. Biz bunu hər şeyin hazır olduğu Bakıda edirik. Lakin hər şeyin dağıdıldığı həmin ərazilərdə bizim elektrik stansiyalarına, yollara, su təchizatına ehtiyacımız var. Beləliklə, bütün bunlar vaxt aparacaq. Mən bilmirəm bu, nə qədər vaxt aparacaq. Lakin biz bunu maksimum qısa zamanda həyata keçirmək üçün əlimizdən gələni etməyə çalışacağıq”.
