Gələn il Əmək və Əhalinin Sosial Müdafiəsi Nazirliyi yanında İşsizlikdən Sığorta Fondunun (İSF) gəlirlərinin (büdcəsinin) 212,668 milyon manat olacağı göznəlilir.

FED.az xəbər verir ki, bu barədə Hesablama Palatasının Fondun 2023-cü il büdcəsinə verdiyi rəydə bildirilir.

Eləcə də bax: DSMF-nin gəlirləri - 11,73 FAİZ ARTIR

Sənədə əsasən, bu, 2021-ci ilin icra göstəricisi ilə müqayisədə 8 %, 2022-ci ilin təsdiq edilmiş proqnozu ilə müqayisədə isə 17,3 % çoxdur.

2023-cü ildə İSF-nin gəlirlərinin 159,576 milyon manatı işsizlikdən sığorta haqları hesabına formalaşacaq. Bunun isə 22,434 milyon manatı büdcədən maliyyələşən təşkilatlardan, yenə də 22,434 milyon manatı bu təşkilatlarda işləyənlərdən, 114,708 milyon manatı qeyri-büdcə sektorundan daxil olacaq. Bundan başqa, Fond sair daxilolmalar üzrə 60 min manat gəlir əldə edəcək, əvvəlki ilin sonuna istifadə olunmamış 53,032 milyon manat vəsaitə malik olacaq. (Apa)