2023-cü il ərzində Azərbaycan xarici ölkələrdən 567 min 790 ABŞ dolları dəyərində 102 min  506 kq təbii bal idxal edib.

• Xaricdən alınan bal cüzi bahalaşıb - QİYMƏT

FED,az Dövlət Statistika Komitəsinə istinadən xəbər verir ki, bu da 2022-ci il illə müqayisədə dəyər ifadəsində 29  min 90 dollar və ya 5,4%, miqdar baxımından isə 3 min 660 kq və ya 3,7% çoxdur,

2022-ci ildə xaricdən Azərbaycana 538 min 700 dollar dəyərində 98 min 900 kq təbii bal gətirilmişdi,

Bu da o deməkdir ki, təbii balın 1 kiloqramının idxal qiyməti 2023-cü ildə 5,54 dollar (9,41 manat), əvvəlki il isə 5,45 dollar (9,26) manat olub,

Azərbaycanın özü isə ötən il 80 min 550 dollar dəyərində 3 min 650 kq bal ixrac edib, Bal satışından gəlirlər 61 min 920 dollar və ya 4,3 dəfə, miqdar isə 2 min 910 kq, və ya 4,9 dəfə artıb,

1 kq balın satış qiyməti 2023-cü ildə 22 dollar (38 manat), 2022-ci ildə isə 25 dollar (43 manat) təşkil edib,

Qiymətlərdə 3 dollar (5 manat), başqa sözlə 12,3% ucuzlaşma baş verib ,

Bu dövrdə Azərbaycan təbii balı ən baha qiymətə hər kiloqram üçün 28,64 manata Fransadan və 21 manata İtaliyadan alıb.

Ən ucuz balı isə 5,10 manata İrandan və 7,40  manata Qırğızıstandan alıb.

Hesabat dövründə Azərbaycan təbii balı ən baha qiymətə yəni 61,20 manata Birləşmiş ərəb Əmirliklərinə, ən ucuz qiymətə, yəni 28,90 manata Mərakeşə satıb.