Cari ticarət həftəsinə artımlarla başlayan dollar indeksi 105 bənd hədlərinin üzərində möhkəmlənməyə çalışır.
FED-in bu ilin son toplantısı öncəsi dollar “Buğa”ları “DXY”-ı 105 bənd həddinin üzərində saxlaya bilsələr, artım tendensiyası 110 bənd hədlərinə kimi davam edə bilər. Bu isə öz növbəsində EUR/USD və GBP/USD cütlüklərində artım tendensiyasının eniş tendensiyası ilə əvəzlənməsinə səbəb ola bilər. Əks təqdirdə dollar indeksində qiymətlər bu ilin sentyabrından etibarən formalaşan aşağı istiqamətlənmiş kanalın dəstək xəttini test edə bilər ki, bu da 100 bənd hədlərinə təsadüf edir.
Bu gün Avropa Mərkəzi Bankının sədri Kristin Laqardın açıqlamaları investorların diqqət mərkəzində olacaq.
Dünya birjalarında dollara tələbin artması fonunda qızıl ucuzlaşıb. Lakin, FED toplantısından çıxacaq faiz qərarı ilə bağlı ziddiyətli proqnozlar səbəbilə investorlar qızıldakı alış pozissiyalarını tərk etməyə tələsmirlər. Təhlillərə əsasən hazırda 1782$-dan təklif olunan qiymətli metalın bir unsiya üzrə dəyəri 1778$ həddinin altına düşsə, eniş tendensiyası 1757$-a kimi davam edə bilər.
Məlumat “İnvestAZ İnvestisiya Şirkəti” QSC-nin Analitika Departamenti tərəfindən hazırlanıb.
