Türkiyənin xəzinə və maliyyə naziri Berat Albayrak, gecəyarısı sosial media saytı "Twitter" hesabından etdiyi açıqlamada, məzənnənin yüksəlməsinə dair hərəkət planının tətbiq olunmağa başladığını bildirib. Albayrak, vətəndaşların banklardakı dollar və avro əmanətlərinə (depozitlərinə) əl qoyulacağı və ya TL-yə çevriləcəyinə dair çıxan iddiaların həqiqəti əks etdirmədiyini vurğulayıb. O, əmanət hesablarına əl qoyulacaq şəklində dedi-qodu çıxaranlar haqqında qanuni tədbirlər görüləcəyini açıqlayıb.
Türkiyənin xəzinə və maliyyə naziri Berat Albayrak, Dollar/Türk lirəsi məzənnəsinin yüksəlməsinə dair açıqlamalar verib.
Nazir Albayrak, məzənnənin yüksəlməsinə qarşı gecəyarısından etibarən hərəkət planlarını tətbiq etməyə başladıqlarının vurğulayaraq, "Bazar ertəsi səhərdən etibarən bazarları sakitləşdirmək məqsədilə qurumlarımız lazımi addımları atacaq və bu barədə lazımi məlumatları bazar ilə bölüşəcəklər. Dediyim kimi, bütün tədbir və hərəkət planlarımız hazırdır" deyib.
"ƏMANƏTLƏRƏ ƏL QOYULMAYACAQ"
Valyutadakı əmanət hesablarına əl qoyulacağı və ya TL-yə çevriləcəyi barədə çıxan iddiaların həqiqəti əks etdirmədiyini vurğulayan nazir Albayrak, "Davamlı ictimaiyyətinin gündəminə bəzi iddialar gəlir. Əmanətlərin TL-yə çevriləcəyi ya da əl qoyulacağı kimi çox iddialar.... Baxın, çox dəqiq deyirəm. Əmanətlərə əl qoyulmayacaq. Hesablardakı xarici valyutalar TL-yə çevrilməyəcək. Amma bu dedi-qoduları və yalanları ortaya atanlarla hüquqi tədbirlər görəcəyik. Hüquqi prosedur başlanılacaq" ifadəsini istifadə edib.
"BU, ÇOX AYDIN BİR TƏCAVÜZÜN GÖSTƏRİCİSİDİR"
Nazir Albayrak, məzənnələrdəki bugünkü vəziyyətin iqtisadi göstəricilərlə izah olunmasının mümkün olmadığını qeyd edərək "Bu, çox aydın bir təcavüzün göstəricisidir. Qlobal maliyyə sistemin ən böyük oyunçusunun başladığı bu hücum, bütün inkişaf etməkdə olan ölkələrdə oxşar vəziyyəti ortaya çıxarır. Çıxardı da. Ölkəmizin valyutasının birbaşa ABŞ prezidenti tərəfindən hədəf alındığı belə bir şəraitdə, Türkiyə iqtisadiyyatını kövrək olmaqda ittiham etmək doğru deyil" şəklində danışıb.
Albayrakın "Twitter"dəki açıqlamasında deyilir:
"Bizim yeni iqtisadi yanaşmamızın ən önəmli tədbiri büdcə intizamıdır. Hədəflərimizi müəyyənləşdirdik. Artıq xərclər üçün güzəştə getməyəcəyik, bütün qurum və nazirlərimizlə danışdıq.
Bu həssaslıq üçün lazım gələrsə hədəflənən göstəricilər üçün "Maliyyə Qayda"sı tətbiq edəcəyik.
İnvestisiyaları və xərcləri qiymətləndirərkən 3 sualın verdiyi cavaba nəzər salacağıq: Texnoloji ya da yüksək əlavə dəyərli istehsal təmin edir? İxracı artırır? Cari kəsiri aşağı salır? Bu anlayış bütün iqtisadiyyat sahələrində hakim olacaq.
Kimsənin şübhəsi olmasın. Millətimizin dəstəyi, rasional siyasət və qərarlı bir mövqe ilə bu mübarizədən Allahın izni ilə qələbə ilə çıxacağıq".
Xəbər verdiyimiz kimi, bu gücə Dollar 7 Türk Lirəsini keçib. Dollar/Türk Lirəsi məzənnəsi 7,1326 səviyyəsini görərək rekord qırıb. Ötən Cümə günü 20% ucuzlaşmış Türk lirəsi, bu gün 10% də dəyər itirib.
