İqtisadiyyat Nazirliyinin Sahibkarlığa Kömək Milli Fondu 2018-ci ilin birinci yarısında iş adamları və şirkətlərə 100 milyon 185.4 min manat güzəştli kredit verib. Cəmi 611 layihə maliyyələşdirilib.

FED.az Fonda istinadən xəbər verir ki, cari ilin yanvar-iyun dövründə kreditlərin 57.1%- və ya 57 milyon 171.4 min manatı kənd təsərrüfatı məhsullarının istehsalına ayrılıb. Bu istiqamət üzrə 557 layihə maliyyələşdirilib.

Fond vəsaitlərin 28.8%-ni və ya 28 milyon 859 min mnatını müxtəlif məhsullarının istehsalı və emalına, 8.7%-ni və ya 8 milyon 690 min manatını xidmətə, 3%-ni və ya 3 milyon 20 min manatını kənd təsərrüfatı məhsullarının emalına, 2.4%-ni və ya 2 milyon 445 min manatı turizmin inkişafına ay;rıb.

VƏSAİTİN 90%-Ə YAXINI 30 BÖYÜK LAYİHƏYƏ VERİLİB

Fondun ayırdığı vəsaitlərin 6.4%-ni və ya 6 milyon 364.9 min manatını 560 kiçik həcmli kreditlər təşkil edərkən, 89.5%-ni və ya 89 milyon 684.5 min manatını 30 böyük həcmli kreditlər təşkil edib. Orta həcmli kreditlərin payı isə 4.1% və ya 4 milyon 136 min manat olub.

Ayrılmış kreditlərin hesabına 7036 iş yeri yaradılacağı gözlənilir.