Maliyyə

Azərbaycanda əlavə dəyər vergisi inzibatçılığının - DƏYİŞMƏSİ TƏKLİF OLUNDU

Azərbaycanda əlavə dəyər vergisi inzibatçılığının - DƏYİŞMƏSİ TƏKLİF OLUNDU | FED.az
20:56 26 İyul 2019

Hesablama Palatası Azərbaycanda əlavə dəyər vergisinin (ƏDV) vahid inzibatçılıq modelinin tətbiqini təklif edib. 

FED.az xəbər verir ki, bu barədə Palatanın sədri Vüqar Gülməmmədov bildirib. Onun sözlərinə görə, həmin model beynəlxalq təcrübədə özünü doğruldub:
Eləcə də bax: 
Büdcədəki kəsir ilə bağlı Maliyyə Nazirliyindən açıqlama - "BU KƏSİR..."

“ƏDV dövlət büdcəsinin gəlirlərinin formalaşmasında xüsusi əhəmiyyətə malikdir və iqtisadi münasibətlərin inzibatçılığının təşkilində vacib alətdir. 2018-ci ildə ümumilikdə dövlət büdcəsinin vergi gəlirlərinin 45,4%-ni təşkil edən bu vergi növü üzrə inzibatçılıq iki qurum tərəfindən həyata keçirilir. Hesabat ilində ƏDV üzrə daxilolmanın xüsusi çəkisi Vergilər Nazirliyinin təmin etdiyi ümumi gəlirlərin 26,2%-ni, Dövlət Gömrük Komitəsinin təmin etdiyi ümumi gəlirlərin 68,2%-ni təşkil edib. 2018-ci ilin dövlət büdcəsinin bu vergi növü üzrə gəlirlərinin tərkibində Nazirliyin payı əvvəlki illərə nisbətən daha da azalaraq 45,4%-ə enib, Komitənin payı isə artaraq 54,6%-ə yüksəlib”, - deyə V.Gülməmmədov bildirib.
Eləcə də bax: Azərbaycanın maliyyə tarixində bir ilk - MALİYYƏ PALATASINDAN AÇIQLAMA

Onun sözlərinə görə, 2018-ci ildə Vergilər Nazirliyinin xətti ilə daxilolması təmin edilmiş ƏDV-in məbləği 2017-ci illə müqayisədə 2,7%, Komitə üzrə 32% artıb. Bununla yanaşı, Palata sədri qeyd edib ki, son illərdə ölkə üzrə ÜDM-in, eyni zamanda, pərakəndə ticarət dövriyyəsinin yüksəlməsi kimi əlverişli makroiqtisadi amillər fonunda əsas kapitala yönəldilmiş investisiyaların və iqtisadiyyatın kreditləşdirilməsi həcminin səngiməsi müşayiət olunub.

Məhz bu amil Palatanın ƏDV inzibatçığı ilə bağlı yenilik təklif edir: 
“Bu baxımdan dövlət büdcəsinə təmin edilən ƏDV ilə bağlı qeyd olunan meyil idxal edilən aktivlərin kommersiya fəaliyyətində istifadə olunmasından yaranan gəlirlərin vergiyə cəlb edilməsi prosesində kifayət qədər risklərin mövcud olmasını deməyə əsas verir. Bütün bunları nəzərə alaraq, Hesablama Palatası əlavə dəyər vergisinin beynəlxalq təcrübədə özünü doğrultmuş vahid inzibatçılıq modelinin tətbiqini təklif edir”, - deyə Hesablama Palatasının sədri bildirib. 

Digər xəbərlər