İdman

Stolüstü tennis üzrə Azərbaycan çempionatı başa çatıb FOTO

Stolüstü tennis üzrə Azərbaycan çempionatı başa çatıb FOTO | FED.az
11:19 6 Mart 2017
28 fevral – 4 mart 2017-ci il tarixlərində Gənclər və İdman Nazirliyi və Stolüstü Tennis Federasiyasının birgə təşkilatçılığı ilə “Bədən tərbiyəsi və idman günü”nə həsr olunmuş Azərbaycan çempionatı başa çatıb.

FED.az xəbər verir ki, Stolüstü Tennis Federasiyasından verilən məlumata görə, federasiyanın vitse-prezidenti Fazil Məmmədov öz çıxışında dövlətimizin fiziki-mənəvi sağlamlığının qorunması, idman və bədən tərbiyəsinin inkişafı sahəsində kompleks tədbirlərin həyata keçirildiyini diqqətə çatdıraraq, idmanın maddi-texniki bazasının möhkəmləndirilməsi, bölgələrdə müasir idman infrastrukturunun yaradılması istiqamətində reallaşdırılan tədbirlərdən danışıb.

Çempionatda respublikanın şəhər və rayonlarından 60-a yaxın idmançı iştirak edib. Şəxsi, komanda, qoşa və qarışıq qoşa dərəcədə keçirilən çempionatda Bakı, Sumqayıt, Şəki, Şirvan, Şabran, Balakən, Qax, Gəncə, Salyan, Gədəbəy, Samux və digər rayonların idmançıları iştirak etmişdir. 9 kişi və 7 qadın komandasının iştirak etdiyi komanda yarışlarının nəticələri:

Kişilər: I yer – Bakı 1
II yer - Bakı 3
III yer - Sumqayıt, Bakı – 2

Qadınlar: I yer – Sumqayıt 1
II yer – Bakı 1
III yer – Şəki, Sumqayıt 2

Şəxsi oyunlarda:
I yer – Cəfərov Ramil
II yer – Həşimli Xəyal
III yer – Ansari İbrahim, Allahverdiyev Vəzir

I yer – Eminova Bilurə
II yer – Qarayeva Nəzakət
III yer – İmanova Məryəm, Əhmədova Nəzrin

Sonda qaliblərə Federasiyanın diplom və mükafatları təqdim olunub.









Digər xəbərlər

Banner