İdman

Prezident: "İslam həmrəyliyi - zamanın çağırışı" mövzusunda konfrans İslam aləminə öz töhfəsini verəcək

Prezident: "İslam həmrəyliyi - zamanın çağırışı" mövzusunda konfrans İslam aləminə öz töhfəsini verəcək | FED.az
10:55 15 Mart 2017

Bakıda Qafqaz Müsəlmanları İdarəsi (QMİ), Dini Qurumlarla İş üzrə Dövlət Komitəsi, Azərbaycan Milli Elmlər Akademiyası və Bakı Multikulturalizm Mərkəzinin birgə təşkilatçılığı ilə "İslam həmrəyliyi - zamanın çağırışı" mövzusunda beynəlxalq konfrans keçirilir.

FED.az xəbər verir ki, APA--nın məlumatına görə, konfransda 15 ölkədən 30-dək xarici qonaq, bir sıra müsəlman ölkələrinin səfirləri, din, elm və siyasət xadimləri iştirak edir.

"Azərbaycanda ən qədim zamanlardan müxtəlif dinlərə məxsus insanlar yaşayıb. Bu gün də Azərbaycan dini tolerantlıq ənənələrini davam etdirir".

Bunu Azərbaycan prezidenti İlham Əliyev konfrans iştirakçılarına təbrikində qeyd edib.

Dövlət başçısı bildirib ki, konfransın Bakıda keçirilməsi ilə doğru ünvan seçilib.

"Azərbaycanda bu səpkidə bir çox beynəlxalq tədbir keçirilib. Bunun davamı olaraq bu il İslam Həmrəyliyi oyunları keçiriləcək. İslam həmrəyliyi olduqca vacib amildir və bununla bağlı ciddi addımlar atılmalıdır. Ümidvaram ki, bugünkü konfrans da İslam aləminə öz töhfəsini verəcək", - deyə prezident vurğulayıb.

Təbriki Azərbaycan Respublikasının millətlərarası, multikulturalizm və dini məsələlər üzrə Dövlət müşaviri Kamal Abdulla oxuyub.



Digər xəbərlər

Banner