Banner

İdman

Patrik Hikkinin vəziyyəti pisləşib

Patrik Hikkinin vəziyyəti pisləşib | FED.az
16:43 21 Okt 2016

Avropa Olimpiya Komitələrinin (EOC) prezidenti öhdəliklərindən müvəqqəti kənara çəkilmiş Patrik Hikkinin vəziyyəti pisləşir.

"İnside the Games"in yaydığı məlumata görə, bu barədə EOC prezidenti səlahiyyətlərini icra edən Yanez Koçinyançiç açıqlama verib. O bildirib ki, Hikki ürəyindən əməliyyat olunmalıdır: "Onun səhhəti elə də yaxşı vəziyyətdə deyil. Ürəyində problemləri olduğundan, əməliyyata ehtiyacı var. Həkimlər hesab edirlər ki, tibbi müdaxilə İrlandiyada edilməlidir. İstərdik ki, Braziliya hökuməti bu situasiyanı çox ciddi qəbul etsin və ona İrlandiyaya qayıtmaq imkanı versin".

Qeyd edək ki, Patrik Hikki 2016-cı il Rio-de-Janeyro Yay Olimpiya Oyunlarına qanunsuz bilet satışında şübhəli bilinir. O, hazırda Braziliyada ev dustaqlığı şəraitindədir. Hikki 1989-cu ildən İrlandiya Milli Olimpiya Komitəsinə, 2006-cı ildən EOC-a rəhbərlik edib. 71 yaşlı funksioner 2012-ci ildən Beynəlxalq Olimpiya Komitəsi İcraiyyə Komitəsinin üzvüdür. Hikkini 7 ilədək azadlıqdan məhrumetmə cəzası gözləyir.


Report©

Digər xəbərlər

Banner