İdman

İslamiadanın ulduz və idmançı səfirlərinin adları açıqlandı FOTO (YENİLƏNİB)

İslamiadanın ulduz və idmançı səfirlərinin adları açıqlandı FOTO (YENİLƏNİB) | FED.az
12:20 8 Fev 2017
Bu gün Azərbaycan İslam Həmrəyliyi Oyunlarının idmançı və ulduz səfirlərinin adları açıqlanıb.

FED.az xəbər verir ki, Azərbaycan İslam Həmrəyliyi Oyunları Əməliyyat Komitəsi (AİHOƏK) “Grassroots” proqramı çərçivəsində təqdimetmə mərasimini keçirmək məqsədi ilə İslam Həmrəyliyi Oyunlarının idmançı və ulduz səfirlərini bir araya gətirib. Tədbirdə AİHOƏK-in korporativ direktoru Elçin Səfərov və digər rəsmilər iştirak edib.

Tədbir zamanı Azərbaycan İslam Həmrəyliyi Oyunları Əməliyyat Komitəsinin korporativ direktoru Elçin Səfərov Bakı 2017 İslam Həmrəyliyi Oyunları və Azərbaycanda ilk dəfə tətbiq olunacaq “Grassroots” proqramı haqqında ətraflı məlumat verib. “IV İslam Həmrəyliyi oyunlarının sıralarına bu gündən etibarən uldüz və idmançı səfir qismində qatılacaq məşhurlarımız yeniyetmə və gənclər arasında idmanın daha da kütləviliəşməsində, icitmaiyyətin IV İslam Həmrəyliyi oyunlarına daha böyük maraq göstərməsində önəmli rol oynayacaqlar" - deyən Elçin Səfərov səfir olaraq seçilmiş ulduz və idmançılıran oyunların təbliği işlərində daha aktiv fəaliyyət göstərərək, oyunlarla bağlı bütün tədbirlərdə fəal iştirak edəcəklərini bildirdi.

Qeyd edək ki, Ulduz səfirlər sırasında müğənni Tünzalə Ağayeva, aktyorlar Rafael İsgəndərov və Coşqun Rəhimov, xeyriyyəçi və televiziya aparıcısı Hacı Nuran və “Muğam müsabiqəsi–2011”in qalibi Mirələm Mirələmov yer alıb.

Bakı 2017 İslam Həmrəyliyi Oyunlarında idmançı səfirlər olaraq isə, vətənimizi Rəsul Çunayev (yunan-roma güləşi), Rüstəm Orucov (cüdo), Rafael Ağayev (karate), Hacı Əliyev (sərbəst güləş), İlham Zəkiyev (paracüdo), Radik İsayev (taekvondo), Kamran Şahsuvarlı (boks), Fəridə Əzizova (taekvondo), İlahə Qasımova (karate), Ruslan Abışov (futbol), Leyla Cavadova (boks), Elmar Qasımov (cüdo), Nazim Babayev (atlet) və Aynur Rzayeva (boks) kimi fəxri idmançılar təmsil edəcək.

“Grassroots” proqramı çərçivəsində bu gün baş tutan təqdimatdan sonra idmançı və ulduz səfirlər IV İslam Həmrəyliyi oyunlarının mesajı olan “Birlik”, “Sülh” ,”Hörmət” və “Mükəmməllik” ideyalarını ictimaiyyətə geniş şəkildə ötürüb, öz üzərilərinə düşən işin öhdəsindən bacarıqla gəlmək üçün əllərindən gələni edəcəklərini qeyd ediblər.

Bakı 2017 İslam Həmrəyliyi Oyunlarının idmançı səfiri karateçi İlahə Qasımova səfir seçilməkdən böyük məmnun olduğunu deyib: “Bakı 2015 Avropa Oyunlarında ölkəmizə medal qazandıran ilk idmançı olduqda, məni təbrik edən ölkə başçısı cənab İlham Əliyevə söz verdim ki, İslam Həmrəyliyi Oyunlarında da əlimdən gələni edib, qızıl medal qazanacağam. Artıq mənim məsuliyyətim daha da artır. Çünki mən həm səfir, həm də idmançı olaraq xalqımıza yalnız sevinc bəxş etməliyəm”.

Grassroots proqramı çərçivəsində proqrama yerli atletlər ilə yanaşı, beynəlxalq atletlər də qoşulub. Bu günə olan beynəlxalq atletlərin təsdiqlənmiş sayı 16 idmançıdan ibarətdi.

Tədbirdə Bakı 2017 İslam Həmrəyliyi Oyunlarının digər ölkələrdən olan səfirləri haqda videoçarx nümayiş olunub. Dubay Kral ailəsinin nümayəndəsi, atıcılıq idmanı üzrə Dünya və Asiya çempionu və 4-cü İslam Həmrəyliyi Oyunlarının səfirləri sırasına qatılan Şeyx Səid bin Məktum bin Rəşid əl Məktumun video müraciəti də qonaqlara təqdim olunub. O bildirib ki, IV İslam Həmrəyliyi oyunlarında mübarizə aparacaq hər bir idmançının həyatında bu proqram çox mühüm rol oynayacaq: “Məhz “Grassroots” proqramının önəmi onun idman dəyərlərini ictimaiyyətə çatdırması ilə bərabər, eyni zamanda hər kəsi sülh, həmrəylik, hörmət və kamillik ətrafında daha sıx birləşməyə çağırmasıdı”.

Tədbirdə Azərbaycan İslam Həmrəyliyi Oyunları Əməliyyat Komitəsinin korporativ direktoru Elçin Səfərov da İslam Həmrəyliyi Oyunları və Azərbaycanda ilk dəfə tətbiq olunacaq “Grassroots” proqramı haqqında ətraflı məlumat verib. Onun sözlərinə görə, bu gündən etibarən ulduz və idmançı səfir qismində qatılacaq məşhurlarımız yeniyetmə və gənclər arasında idmanın daha da kütləviləşməsində, ictimaiyyətin İslamiadaya daha böyük maraq göstərməsində önəmli rol oynayacaqlar: “Qələbə və uğur sevincini birgə yaşayıb, paylaşmaq ən gözəl hisslərdən biridi. Əminik ki, idmançı və ulduz səfirlərimizlə bərabər xalqımız oyunlarda iştirak edəcək idmançılarımızın qələbə sevincini birgə yaşayacaq”.









Digər xəbərlər