Banner

Hüquq

«İdeal»ın bütün hesablarına - HƏBS QOYULUB - YENİLƏNİB

«İdeal»ın bütün hesablarına - HƏBS QOYULUB - YENİLƏNİB | FED.az
08:38 23 İyul 2020

Azərbaycanın kosmetika ticarəti bazarının əsas oyunçularından olan «İdeal» mağazalar şəbəkəsinin bank hesablarına həbs qoyulub.

Eləcə də bax: Biznesi əlindən «İdeal»ın keçmiş sahibinin - MƏHKƏMƏSİNDƏ YENİLİK

FED.az xəbər verir ki, hesablara həbs qoyulması «İdeal»ın keçmiş sahibi, iş adamı İlqar İsmayılovun məhkəmə iddiası nəticəsində baş verib. İ.İsmayılov bildirir ki, satış şəbəkəsi ondan «Premium bank» rəhbərliyi tərəfindən şantaj yolu ilə qanunsuz şəkildə alınıb.

İ.İsmayılov «İdeal» şirkətinin hüquqi varisı olan «Adore» MMC-ni bir neçə maddə ilə məhkəməyə verib və dividend tələbi iddiasına görə, «Adore» MMC nin bütün hesablarına həbs qoyulub. Xatırladaq ki, bir qədər əvvəl «Adore» MMC digər parfümeriya satışı şəbəkəsini «Sabina»nı da satın alıb.

«Adore» MMC-nin sahibləri də «Premium bank»ın sahibləridir.

İlqar İsmayılov sözügedən şirkətdən dividend kimi 2 milyon 94 min manat tələb edir. Xəzər Rayon Məhkəməsində hakim Emin Məmmədlinin sədrliyi ilə baxılan işdə, məhkəmə qərarı ilə «Adore Kompani» MMC-nin ümumilikdə 10 bankda olan 28 hesabına ümumilikdə həmin məbləğdə həbs qoyulub.

Həbs qoyulan hesabların 7-si «Premium bank»da (keçmiş «Bank Silk Vey»), 4-ü «Paşa Bank»da, 4-ü isə «Kapitalbank»dadır.

Bununla yanaşı, FED.az-ın əldə edliyi məlumata görə, sözügedən məhkəmə qərarından şikayət edilib və həmin qərar dəyişdirilib. «Premium bank»dan FED.az-a bildirilib ki, Xəzər Rayon Məhkəməsinin 9 iyun 2020-ci il tarixli qərarı ilə, sözügedən bank hesablarına qoyulmuş həbs götürülüb. 

Digər xəbərlər

Banner