Sahibkarların etibarlı tərəfdaşı olan ABB maliyyə xidmətlərini onlar üçün daha da rahat və əlçatan etməkdən ötrü yeni həll təqdim edib. İndi fərdi sahibkarlar da kreditlərini ABB-dən onlayn qaydada sifariş verib ala bilərlər.
FED.az xəbər verir ki, dövriyyəni bank hesabları üzərindən həyata keçirən hər bir fərdi sahibkar bu imkandan faydalanaraq Bankın “Tərəfdaşlara Anında Dəstək” krediti məhsulunu onlayn sifariş verə bilər. Bunun üçün Bankın cari müştərisi sadəcə İnternet Bankçılıq sisteminə daxil olub sifarişini verir, yeni müştəri isə “Müştəri ol” prosesindən keçdikdən sonra sifariş edir. Beləliklə, Banka gəlmədən maksimum 2 gün ərzində sərfəli şərtlərlə krediti əldə edir.
ABB-nin bu təklifi fərdi sahibkarlara bir çox üstünlüklər yaradır:
-Müraciətlər asan şəkildə Banka göndərilir;
-Sifarişlər operativ şəkildə təhlil edilir;
-Sənədləşmə elektron qaydada aparılır;
-Rəsmiləşdirmə prosedurları çox sadədir, müştəri minimum sayda sənəd təqdim edir.
18 avqusta qədər davam edəcək kampaniya müddətində onlayn kredit müraciəti edən fərdi sahibkarlar krediti cəmi 13 faizlə əldə edirlər. Üstəlik onlardan xidmət haqqı da tutulmur.
ABB-nin müasir, faydalı və universal məhsul və xidmətləri barədə məlumatları Bankın filial və şöbələrindən, https://abb-bank.az/ rəsmi internet səhifəsindən və ya 937 nömrəli Məlumat Mərkəzindən, həmçinin rəsmi Facebook səhifəsindən əldə etmək olar.
