“Özünəməşğulluq proqramından ciddi narazılıq yoxdur”.
FED.az xəbər verir ki, bunu Əmək və əhalinin sosial müdafiəsi naziri Sahil Babayevkeçirdiyi brifinqdə deyib.
Nazir vətəndaşların heyvanlardan narazı qaldığı barədə suala ətraflı cavab verərək deyib:
“Mən rəqəmləri bir daha səslləndirirəm: Vətəndaşlara 30 min baş iri xə xırdabuynuzlu heyvan paylanılıb. Bugünədək gələn müraciətlərin araşdırılması nəticəsində 1%-dən də aşağı heyvanlar dəyişdirilib. 1%-ə görə 99%-i kölgədə qoymaq və “narazılıq var” demək doğru deyil. Bu birincisi. İkincisi müraciətlərin çoxları 1-2 ay sonra təqdim edilən müraciətlərdir. Bu vətəndaşlara heyvanlar təqdim edildikdə vətəndaş öz imzası ilə təsdiq edir ki, keyfiyyətdən razıdır və heyvanları şəxsən qəbul edir. Həmçinin baytar arayışları təqdim edilir. Bundan başqa, vətəndaşın video və foto şəkili özünün razılığı ilə çəkilir. Müraciət olduqda aktı, arayışları və görüntüləri özünə təqdim edirik.
Eləcə də bax: Əmək pensiyaları kəskin artırılacaq - NAZİRDƏN AÇIQLAMA
Əmək və Əhalinin Sosial Müdafiəsi Nazirliyi podratçı şirkətləri “Satınalamalar haqqında” qanuna uyğun seçib. Bu şirkətlərə ödənişlər vətəndaşın aktivi qəbul etdiyi barədə aktın əsasında həyata keçirilir. Biz vətəndaşın imzaladığı aktı, vətəndaşın video və foto görüntülərini görürük, bundan sonra vəsaitlər şirkətlərə ödənilib. Heyvanlara etirazı, onları qəbul edən zaman bildirmək lazım idi. Bir sıra hallarda müraciətçi ötən ilin Noyabr ayında aktivi alıb, razılıq edib. Bu ilin Yanvar və ya Fevral ayında bildirir ki, “bu xəstə heyvandır”. Biz ona göstəririk ki, Siz bu heyvanı razı şəkildə almısınız. İki ay ərzində heyvana nə şəkildə baxılıb, xəstələnməyi əvvvəl və ya sonra olub – bunlar hamısı sual altındadır. Vətəndaş etirazını heyvanı qəbul edən zaman bildirməli idi. Kimlər bildirib, müvafiq işlər görülüb. Qeyd etdiyim ki, 30 min baş heyvan paylanılıb. Ölkədə bütün heyvanlar eyni standartda, səviyyədə ola bilməz, müəyyən fərqlər olmalıdır.
“5 MİN MANATA HEYVAN ALINMAYIB”
Nazir Özünəməşğulluq proqramı çərçivəsində heyvanların baha qiymətə alınması barədə iddialara münasibət bildirib:
“Qiymətə gəldikdə isə - “5 min manata alındığı” deyilir. İmzalanmış müqavilələr üzrə vergi və digər ödənişlər daxil olmaqla alış qiymətləri 1800 manatdan yuxarı deyil. Vergi və digər ödənişlər çıxıldıqda bir heyvan təqribən 1300-1400 manata alınıb. Heç bir şirkətə yüksək məbləğlər ödənilməmişdir. Çünki əsas prinsiplərimiz sosial ədalət və şəffaflıqdır. Hər hansı satınalmamızda qiymət artımına yol verilməyib. Aktivlət əvvəlki illə müqayisədə ucuz alınmışdır. Heyvanlar təxminən 13-14%, aktivlər üzrə 22-25% daha ucuz alınıb. Bu heyvanlar baytar yoxlanışından keçdikdən və vətəndaşın qəbul aktını imzaladıqdan sonra təqdim edilib”.
Nazirin toplantısından FED.az-ın CANLI YAYIMI
PROQRAMDAN UZAQLAŞDIRILANLAR LAYİHƏNİ GÖZDƏN SALMAĞA ÇALIŞIRLAR
Nazir qeyd edib ki, manipulyasiya ilə məşğul olanlar və bu böyük sosial layihəni gözdən salmağa çalışanlar var:
“Məsələn, daha öncələr vətəndaşlar özünəməşğulluq proqramına yazılımışdır. Araşdırma zamanı bir sıra vətəndaşların maddi vəziyyətinin kifayət qədər yüksək olduğu müəyyən edilib, onların əmlakları, qeyri-yaşayış sahələri, torpaqları və s var. Yəni, aztəminatlı ailə deyillər. Belə 800-ə yaxın şəxs uyğun olmayan şəxs proqramdan uzaqlaşdırılıb, onlara aktivlər verilməyib. Bu şəxslərin böyük əksəriyyəti mətbuatda müxtəlif iddialar ilə çıxış etməyə başladılar. Onlar dövlət qurumlarına müraciət ediblər və onların müraciətləri araşdırılaraq müvafiq cavablar verilibdir.
Və ya vətəndaş birkalı heyvanı alır, bir ay sonra birkasız heyvanı göstərərək xəstə olduğunu bildirir. Biz onda deyirik ki, “Sizə verilən heyvanbirkalı heyvan idi, başqa heyvana dəyişdirmisiniz”. Belə addım atanlar olub. Heyvana baxa bilmədiyindən öldüyü barədə iddia irəli sürənər də olub. Hər bir halda, heyvanları aldıqdan qısa müddət sonra edilən bütün şikayətlər araşdırılıb, həqiqətən də keyfiyyəti aşağı olan heyvanlar dəyişdirildi. Bununla bağlı Məşğulluq mərkəzlərinin nümayəndələri barədə inzibati tənbeh tədbiri görüldü. Bütün dəyişdirilən heyvanların sayı 160-170 civarındadır. Bu vətəndaşlara paylanılmış 30 min heyvanın 1 faizindən də aşağıdır”.
Nazir əlavə edib ki, bu ilsə sistem daha da təkmilləşdiriləcəkdir.
