“Optimal Finance” BOKT 2022-ci il üzrə maliyyə göstəricilərini açıqlayıb.
FED.az xəbər verir ki, ötən il şirkəti faiz gəlirləri təxminən 985 min manat olub. Bu göstərici 2021-ci illə müqayisədə 617 min manat, yaxud 2,7 dəfə artıqdır.
BOKT-un gəlirləri sürətlə azalır, zərərlə işləyir və kiçilməkdədir - HESABAT
«Para BOKT»un zərəri 3 dəfə azalıb – HESABAT
21 günlük müddətə 20 manat kredit verən «AZPUL» – BÖYÜK PULLAR QAZANMAĞA BAŞLAYIB - HESABAT
BOKT-un faiz xərcləri isə 2022-ci ildə 185 min manat təşkil edib. Faiz gəlirlərindən fərqli olaraq faiz xərcləri daha az sürətlə artıb – cəmi 60 min manat və yaxud 48%.
Nəticədə şirkətin il üzrə xalis faiz gəliri 800 min manat təşkil edib ki, bu da 2021-ci illə müqayisədə 557 min manat, yaxud 3,3 dəfə artıqdır.
Hesabat dövründə BOKT-un haqq və komissiya gəlirləri 39 min manat, xərcləri isə təxminən 9 min manata yaxındır.
İnzibati və əməliyyat xərcləri isə təqribən 180 min manat təşkil edib ki, bu illik müqayisədə 35 min manat, yaxud 24,3% çoxdur.
2022-ci ildə “Optimal FinanceKredit” BOKT-un vergidən əvvəlki mənfəəti 436 min manat olub.
Şirkət 12,1 min manat mənfəət vergisi ödənişindən sonra 2022-ci ili 424 min manat xalis mənfəətlə başa vurub. Beləliklə, BOKT-un illik mənfəəti əvvəlki illə müqayisədə 6 dəfə artıq olub.
2022-ci ildə “Optimal Finance” BOKT şirkətinin aktivləri 3 milyon 551 min manat olub. Bu da 2021-ci illə 1 milyon 31 min manat yaxud 41% çoxdur.
Aktivlərin 2 milyon 266 min manatını müştərilərə verilmiş kreditlər təşkil edir. Kredit portfeli 236 min manatdan çox (təxminən 12%) artıb.
Sair aktivlərin həcmi 1 milyon 201 min manat təşkil edib ki, bu göstərici də əvvəlki illə müqayisədə 728 min manat, yaxud 2,5 dəfə artıqdır.
2022-ci ildə “Optimal Finance Kredit” BOKT-un öhdəlikləri 2 milyon 76 min manata bərabər olub. Öhdəliklərin həcmində illik müqayisədə 93 min manat yaxud 4,3% azalma var.
Hesabatdan aydın olur ki, 2022-ci ildə “Optimal Finance Kredit” BOKT-un öhdəliklərinin tərkibi bir qədər dəyişib.
Belə ki, öhəliklərin 1 milyon 77 min manatını müddətli borclar təşkil edir. Bu rəqəm 428 min manat, yaxud 28,5% aşağı düşüb.
Əvəzində şirkət təsisçilərdən alınmış borc vəsaitlərini 300 min manat artıraraq 935 min manata yüksəldib.
Nəticədə 2021-ci ildə şirkətin öhdəliklərinin 4-də 3-ü faizli kreditlər olduğu halda, 2022-ci ildə bu göstərici 50%-ə düşüb. BOKT-un faiz xərclərinin aşağı düşməsi də bununla bağlıdır.
2022-ci ildə “Optimal Finance” BOKT-un kapitalı 1 milyon 495 min manat təşkil edib. Bu da 2021-ci illə müqayisədə 1 milyon 124 min manat, başqa sözlə 4 dəfə artıqdır.
Ötən il şirkətin həm nizamnamə kapitalı 700 min manat artırılaraq 300 min manatdan 1 milyon manata çatdırılıb, həm də bura 495 min manatlıq bölüşdürülməmiş mənfəət əlavə olunub.
