Azərbaycanın aparıcı bank olmayan kredit təşkilatlarından (BOKT) biri olan «Para BOKT» ASC 2022-ci ilin nəticələrini elan edib.
“PRO Kredit” BOKT kiçilib, gəlirləri azalıb - HESABAT
FED.az xəbər verir ki, kredit təşkilatı 2021-ci ildə olduğu kimi, 2022-ci ili də zərərlə başa vursa da, zərəri 3 qat azalıb.
Hesabata əsasən 2022-ci ildə BOKT-un faiz gəlirləri 6,1 milyon manat təşkil edib ki, bu da 2021-ci illə müqayisədə 1,2 milyon manat və ya 16% azdır.
2022-ci ildə qurumun faiz gəlirləri isə 200 min manat azalaraq 1 milyon 159 min manata düşüb.
Ötən il «Para BOKT»un inzibati xərcləri 1 milyon 057 min manat, inçi heyətinə xərclər isə 347 min manat olub, amma əsas xərclər dəyərsizləşmə ilə bağlı olub – 5 milyon 652 min manat.
Nəticədə şirkət 2022-ci ili 1 milyon 835 min manat zərərlə başa vurub.
Ötən illə mqayisədə zərər 3 dəfə aşağı düşüb – xatırladaq ki, 2021-ci ildə zərərin həcmi 5,4 milyon manat olmuşdu.
2022-ci ildə «Para BOKT»un aktivləri 8,5 milyon manat azalaraq 33,1 milyon manatdan 24,6 milyon manata düşüb. Həmin məbləğ bütünlüklə kredit portfelində hiss edilib – kredit portfeli 23 milyon manatdan 14,8 milyon manata enib.
Hesabat dövründə «Para BOKT»un öhdəlikləri də azalaraq 48 milyon manatdan 41 milyon manata düşüb.
Öhdəliklərin əsas hissəsi - 27,6 milyon manatı banklara və digər maliyyə qurumlarına ödəniləcək məbləğlərdir – 2021-ci illə müqayisədə bu göstərici də təqribən 7 milyon manat azalıb.
«Para BOKT»un nizamnamə kapitalı 29,3 milyon manat təşkil edir. Daha 3,8 milyon manat yenidən qiymətləndirmə ehtiyatıdır. Amma son illər yğılaraq 50 milyon manata çatan zərərlər şirkətin kapitalını tamamilə «əridib» və mənfiyə salıb. Nəticədə hazırda «Para BOKT»un cəmi kapitalı mənfidədir – 16,9 milyon manat.
Qeyd edək ki, «Para BOKT»un belə vəziyyətinin əsas səbəblərindən biri vaxtıli fəaliyyətini dayandıran «Para Bank»ın keçmiş kreditorları qarşısnıdak öhdəlikləridir ki, onlar tədricən qaytarılmaqdadır.
