Azərbaycanda fəaliyyət göstərən auditorlar cinayət yolu ilə əldə edilmiş pul vəsaitlərinin yuyulmasına qarşı mübarizədə iştirak edəcəklər.
Bu barədə FED.az Auditorlar Palatasının İnnovasiyaların tətbiqi İdarəsinin rəisi Elnur İbrahimov məlumat verib.
Onun sözlərinə görə, oktyabrın 5-də Auditorlar Palatası Şurasının növbəti iclası keçirilib. İclasda auditor təşkilatlarının və sərbəst auditorların auditor xidmətləri müqaviləsinin bağlanılmasına dair Palatanı məlumatlandırması “Qaydası” və “Forması” müzakirə edilib: "Bu qayda çirkli pulların yuyulmasının qarşısının alınması üçün əhəmiyyətli olacaq. Auditorlar bağladıqları müqavilələr haqqında Palataya məlumat verəcək. Əgər onlar kiməsə qanunsuz rəy verəcəklərsə, buna görə məsuliyyət daşıyacaqlar”.
