Banner

İnşaat və əmlak

Qarabağ Regional Memarlıq və Şəhərsalma Baş İdarəsi işçi qəbulu ilə bağlı - Məlumat Yaydı

Qarabağ Regional Memarlıq və Şəhərsalma Baş İdarəsi işçi qəbulu ilə bağlı - Məlumat Yaydı | FED.az
16:37 14 Sen 2021

Qarabağ Regional Memarlıq və Şəhərsalma Baş İdarəsində dövlət qulluğu vəzifələrinə qəbul “Dövlət qulluğu haqqında” Azərbaycan Respublikasının Qanununun tələblərinə uyğun olaraq Dövlət İmtahan Mərkəzi tərəfindən təşkil olunan müsabiqə əsasında həyata keçiriləcəkdir.

FED.az xəbər verir ki, bu barədə  Azərbaycan Respublikasının Dövlət Şəhərsalma və Arxitektura Komitəsinin Ümumi işlər və ictimaiyyətlə əlaqələr şöbəsindən bildirilib.

Qeyd edilib ki, “İşğaldan azad olunmuş ərazilərdə şəhərsalma məsələləri haqqında” Azərbaycan Respublikası Prezidentinin 12.08.2021-ci il tarixli Fərmanı ilə Azərbaycan Respublikasının Dövlət Şəhərsalma və Arxitektura Komitəsi yanında Qarabağ Regional Memarlıq və Şəhərsalma Baş İdarəsi yaradılmışdır. Hazırda Baş İdarənin strukturunun formalaşdırılması, onun işçi qüvvəsinin planlaşdırılması,  fəaliyyətinin təşkili ilə bağlı zəruri təminat məsələlərinin həll edilməsi üzərində iş aparılır. Strukturun əsas bölmələrinin Qarabağ və Şərqi Zəngəzur iqtisadi rayonlarında şəhərsalma və memarlıq məsələlərinin icrası, dövlət şəhərsalma nəzarətinin həyata keçirilməsi, tikintiyə və istismara icazələrin verilməsi, eləcə də İdarənin fəaliyyətinin dəstəklənməsi məqsədilə digər təminedici struktur vahidlərindən ibarət olması nəzərdə tutulmuşdur.

“Baş İdarənin statusu mərkəzi icra hakimiyyəti orqanlarının yanında olan dövlət agentliklərinin və dövlət xidmətlərinin statusuna bərabərdir və Komitənin strukturuna daxil olan qurumdur. Bununla əlaqədar olaraq, Baş İdarədə dövlət qulluğu vəzifələrinə qəbul “Dövlət qulluğu haqqında” Azərbaycan Respublikasının Qanununun tələblərinə uyğun olaraq Dövlət İmtahan Mərkəzi tərəfindən təşkil olunan müsabiqə əsasında həyata keçiriləcəkdir.

Ətraflı məlumat üçün [email protected] elektron poçt ünvanına və ya (+994 12) 595 13 50 və 493 34 67 (daxili 137 və 144) əlaqə nömrələrinə müraciət edə bilərsiniz”,- məlumatda deyilir.

Banner
Banner

Digər xəbərlər

Banner