Bəzi hallarda vətəndaşlar müəyyən səbəblərdən banklardan kredit götürə bilmirlər. Belə olduqda onlar hər hansı başqa bir şəxsin adına kredit götürmək məcburiyyətində qalırlar. Krediti götürdükdən müəyyən müddət sonra onu öz adına götürən şəxs kreditdən imtina etmək və başqasının adına keçirmək istədikdə nə etməlidir? Ümumiyyətlə, kreditin qarşı tərəfin razılığı ilə başqa bir şəxsin adına keçirilməsi mümkündürmü?
Azərbaycanda əhalinin banklara - 20 milyard manat kredit borcu var
FED.az xəbər verir ki, məsələ ilə bağlı sualları cavablandıran iqtisadçı, vəkil Əkrəm Həsənov bildirib ki, belə olan halda hər 3 tərəfin – krediti götürənin, krediti adına keçiriləcək şəxsin və bankın razılı olmalıdır.
“Kreditin başqa bir şəxsin adına keçirilməsi üçün üçtərəfli müqavilə bağlanmalıdır. Yəni, burada təkcə tərəflərin deyil, bankın da razılğı olmalıdır. Bank razılıq verməsə, bu, mümkün olmayacaq. Çünki bank krediti kimə veribsə, ona etibar edib, 3-cü tərəfə etibar etməyə də bilər. Bankın bu prosedurdan imtina etmək hüququ var və bunu hər hansı səbəblə əsaslandırmaq məcburiyyətində deyil”, – deyə ekspert qeyd edib.
Ə.Həsənovun sözlərinə görə, kreditin başqa bir şəxsin adına keçirilməsi hallarına praktikada çox az rast gəlinir. Vəkil onu da vurğulayıb ki, bu kimi müqavilələrin bağlanmasında hər hansı xüsusi şərtlər mövcud deyil və bu, tərəflərin özlərindən asılıdır. (e-hüquq.az)
