Antiinhisar və İstehlak Bazarına Nəzarət Dövlət Agentliyi istehlakçıların hüquqlarının pozulmasına görə “Shop.az Vebtures” MMC barəsində inzibati protokol tərtib edib.
Eləcə də bax: Dələduzlar indi də bu üsulla bank kartlarından oğurluq etməyə çalışır - Video
FED.az xəbər verir ki, İnzibati Xətalar Məcəlləsinin 447.0.9-cu (qanunvericilikdə nəzərdə tutulan hüquqlarla müqayisədə istehlakçının hüquqlarını məhdudlaşdıran şərtlərin müqaviləyə daxil edilməsinə görə) maddəsi ilə yazılan protokol baxılması üçün Yasamal Rayon Məhkəməsinə göndərilib.
Bu inzibati xətaya görə hüquqi şəxslər dörd min manatdan altı min manatadək məbləğdə cərimə edilir.
Qeyd edək ki, “Shop.az Vebtures” MMC shop.az internet saytı vasitəsilə Azərbaycanın online alış-veriş mərkəzi kimi fəaliyyət göstərir. (Report)
