Avropa İttifaqının Rusiyaya tətbiq etdiyi 11-ci sanksiya paketinə Ermənistanın “Taco” Açıqtipli Səhmdar Cəmiyyəti də daxil edilib.
ABŞ Ermənistan şirkətinə sanksiya - TƏTBİQ ETDİ
FED.az xəbər verir ki, bu barədə Rusiya KİV-i bildirib.
Məlumata görə, ABŞ Maliyyə Nazirliyinin Xarici Aktivlərə Nəzarət Bürosunun sanksiya siyahısına Ermənistanda qeydiyyatdan keçmiş iki şirkət daxildir: Taco və “Milur Electronics”.
Siyahıya əsasən, hər iki şirkət elektron məhsulların topdansatışı ilə məşğuldur. “Taco” Rusiyanın elektronika dileri “Radioavtomatika”, “Milur Electronics” isə RF-nin inteqral sxem dizayneri “Milandr” ilə əlaqəlidir.
Qeyd edək ki, son ildə Ermənistanın iki şirkəti ABŞ və Avropa İttifaqının sanksiyasına məruz qalıb.
Məlumata görə, Avropa İttifaqı komissiyasının siyahısında Rusiyanın 87 şirkəti var.
Siyahıda Ermənistanla yanaşı, Çin, Özbəkistan, Birləşmiş Ərəb Əmirlikləri və Suriya şirkətləri də var. (Report)
