Türkiyə səhm bazarı bu ilin son aylarında 2016-cı ildən bəri olan ən zəif performansını nümayiş etdirir. Hələ Aprel ayının əvvəllərində səhm bazarı 20 milyard dollara qədər dəyər itirmiş, Borsa İstanbul 100 İndeksi (BİST 100) isə 2016-cı ilin Noyabrından olan ən zəif performansını nümayiş etdirmişdi. Səhm bazarına olan inam ümumi ölkə iqtisadiyyatı göstəricilərinə sıx bağlı olduğu üçün biz ümumilikdə böyük şirkətlərin göstəricilərində müəyyən qədər geriləmə müşahidə edirik.
FED.az Azərbaycanda xarici bazarlar üzrə aktiv investisiya fəaliyyəti ilə məşğul olan «PSG Kapital» şirkətinə istinadən son vaxtlar Türkiyədə səhmlərinin qiyməti kəskin dəyişən 4 ən böyük şirkətini təqdim edir.  
 
Turkcell – 27% ucuzlaşıb
Turkcell İletişim Hizmetləri Türkiyənin global mobil kommunikasiya sektorunda Türkiyə daxili və qonşu dövlətlərdə fəaliyyət göstərən ən böyük şirkətlərindən biridir. Şirkətin  informasiya və əyləncə sektorunda fəaliyyət göstərən bəzi müəssisələri Azərbaycanda da fəaliyyətini davam etdirir. Turkcell ümumi səhm performasına baxdıqda biz səhmin qiymətinin bu ilin yanvar ayından bəri düşüş trendində olduğunu görə bilərik. İlin başlanğıcında 15 lirə civarında ticarət olunan səhmlər, hazırda 11 lira civarında ticarət olunurlar. Ümumi texniki analizlər baxımından Turkcell səhmlərinin azalma trendinin orta dövründə olduğunu deyə bilərik. Bu isə o deməkdir ki, hələ bir müddət səhm qiymətlərinin daha da azalmasını gözləmək olar. Qısa müddətli trendə baxdıqda isə biz səhm qiymətlərinin hələ 28%-ə qədər düşəcəyini və bu periodun sonunda 90% ehtimalla 10.08 vo 14.28 lira aralığında dəyişəcəyini gözləyirik. Beləliklə də, səhm analizi hələlik satış siqnalları verir. Azalmanın fundamental səbəbləri isə şirkətin yüksək səviyyəli idarəçilərinin şirkətdən ayrılmasından sonra başlanan borc problemidir. Belə ki, şirkətin borcun kapitala olan nisbət ölçüsü son dövrlərdə 1.07 çatmışdır.
 
Turkcellin son 5 illik göstəriciləri

 
Halk Bankası – 30% ucuzlaşıb
Türkiyə Halk Bankası əsasən Türkiyədə fəaliyyət göstərən kommersiya bankıdır. Fərqlı bank xidmətləri çərçivəsinə korporativ bankçılıq, fond idarəetməsi, fərdi bankçılıq, kredit kard əməliyyatları kimi xidmətlər daxildirlər. İlin əvvəlində 10 lirədən ticarət olunan səhmlər hazırda 7 lirə civarında ticarət olunur. Halk bank səhm qrafiklərində müşahidə edilən azalma trendidir. Səhm qiymətləri keçən ilin sentyabrından bəri bu trendi nümayiş etdirirlər. Şirkətin borc nisbətlərinin artımı onun səhm qiymətlərini təsirləndirən əsas səbəblərdən biri olsa da, son dönəmlərdə ABŞ maliyyə qurumlarının bankı 49 milyarda qədər cərimələndirməsi xəbərləri də öz növbəsində qiymətləri mənfi təsirləndirib. Xəbərlərin əsasının olmaması bank səhmləri üçün pozitiv sinqal verir və ola bilsin ki, yaxın zamanlarda düşüş trendi sonlana bilər.
Halk Bankasının son 1 illik göstəriciləri

 
Türk Hava Yolları – 33% bahalaşıb
Türk Hava Yolları 302 eniş məntəqəsi ilə bu baxımdan dünyanın ən böyük hava yolları şirkətidir. 2015 ildən performansı zəifləməyə başlayan şirkət 2017-ci ilin ortalarından başlıyaraq artma trendinə keçmişdir. Türkiyə Rusiya münasibətlərinin zəifləməsi və ölkə gələn turist sayının kəsin azalmasından neqativ təsirlənən şirkət nisbi diplomatik sabitliyin gəlişi ilə yenidən dəyərlənməyə başlamışdır. İlin başlanğıcında 12 lirədən ticarət olunan şirkət səhmləri hazırda 16 lirə civarında ticarət olunur.
Türk Hava Yollarının son 6 aylıq qrafiki

 
Tekfen – 22% ucuzlaşıb
Tekfen Türkiyənin əsasən tikinti sektorunda ixtisaslaşmış konglomerasiyasıdır. İlin başlanğıcında 15 lirədən ticarət olunan şirkət səhmləri Mart ayına doğru 18 lirəyə qədər qalxsa da, hazırda səhm qiymətləri yenidən 14 lirə civarında ticarət olunur. Qiymətlərin Mart ayına doğru yüksəlişini şirkətin yüksək rüblük gəlirlilik göstəriciləri, hazırda sabitləşməsini isə ümumi makro iqtisadi vəziyyətlə əlaqələndirmək olar.