Rusiya prezidenti Vladimir Putinin qismən səfrəbərlik barədə açıqlamasından sonra Rusiyanın fond bazarında çöküş baş verib.

Eləcə də bax: Səfərbərlik qərarından sonra – BUĞDANIN QİYMƏTİ KƏSKİN ARTDI

FED.az xəbər verir ki, açıqlamadan dərhal sonra Moskva Birjasının indeksi 10% aşağı düşüb. 

Qeyd edək ki, Rusiya şirkətlərinin səhmlərinin ucuzlaşması hələ Putinin çıxışından əvvəl başlamışdı – bazar nəsə ciddi hadisənin olacağını hiss etmişdi. 

Çıxışdan sonra isə Moskva birjasının indeksi 

9,61% azalaraq 2002,73-ə enib. Ukrayna ilə müharibənin başladığı 24 fevraldan indiyədək birja indeksi bu qədər aşağı hədd olmamışdı.

RTS birjasının dollar indeksi isə 11,8% azalaraq 1018-ə enib. 

Bir qədər sonra Moskva birjası 2100-ə qədər irəliləyərək itkinin yarısını bərpa edib. 

Ən böyük ucuzlaşma «PİK» (-10%), Ozon (-9,3%), TCS (-8,9%), «Polimetalla» (-8,6%) və «Surqutnefteqaz» (-8,2%) şirkətlərinin səhmlərində müşahidə edilir. 

Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.