Sosial

Dünyada 4 günlük iş həftəsinə keçmək təklif olunub

Dünyada 4 günlük iş həftəsinə keçmək təklif olunub | FED.az
08:58 28 Yan 2019
Davosda keçirilən Dünya iqtisadi forumunda mütəxəssislər 4 günlük iş həftəsinə keçməyi təklif ediblər. FED.az xəbər verir ki, təklif müəlliflərinin fikrincə, iş günlərinin azaldılması həm işçilərin, həm də şirkətlərin xeyrinə olacaq. 

Pesilvaniya universitetinin nəzdindəki Uorton biznes mərkəzinin psixoloqu Adam Qrant bildirir ki, ekspertlər göstərir ki, iş vaxtının müddətinin azaldılması zamanı adamlar daha diqqətli olur, onların gətirdiyi fayda əvvəlki kimi olur, yaradıcılığı isə daha da artır: «Bundan başqa, insanlar onların işdən kənar vaxtına hörmətlə yanaşan şirkətlərə qarşı daha loyal olurlar». 

Eləcə də bax: Evdə otur, ofisdə işlə - Əmək Məcəlləsində mühüm dəyişiklik


İqtisadçı-tarixçi Rutqer Breqman da bu ideyanı dəstəkləyib, onun sözlərinə görə, bu problem uzun illərdirmki, aktualdır və yalnız 70-ci illərdə vəziyyət dəyişib: «Hələ 20-30-cu illərdə kapitalistlər qısa əmək həftəsinin iş prosesinə müsbət təsirini hi seləmişdilər. Məsələn Henri Ford gördü ki, 60 saatlıq iş həftəsindən 40 saatlıq həftəyə keçiddə işçilər daha az yorulurlar». 

Davosda daha az işləyən işçilərin özlərini daha xoşbəxt hiss edəcəyini təsdiqləyən elmi tədqiqatlar da müzakirə edilib. Bundan başqa ekspertlər İqtisadi Əməkdaşlıq və İnkişaf Təşkilatının göstəricilərini də əsas gətiriblər: həmin göstəricilərə əsasən, işə sərf edilən vaxt artdıca, məhsuldarlıq da azalır.

Digər xəbərlər

Banner