Azərbaycan üçün ötən il beynəlxalq konyuktura münasib olub, əlavə gəlir əldə etməyimizə müsbət təsir edib.
"2024-cü ilin büdcəsinə dəyişikliklər gözlənilir, neftin bir barrelə görə büdcədə qiyməti dəyişdirilə bilər"
FED.az xəbər verir ki, bunu maliyyə naziri Samir Şərifov Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında bildirib.
"2023-cü ildə "Azeri Light" markalı Azərbaycan neftinin 1 bareli orta hesabla 86 ABŞ dollarına satılıb, bu da valyuta ehtiyatlarımızın artmasına imkan verib, hesab edirəm ki, bu, müsbət haldır", - deyə o qeyd edib.
Bundan başqa, nazir deyib ki, Prezident İlham Əliyevin apardığı genişmiqyaslı islahatlar iqtisadi artımı təmin edilib.
"Hökumətin gördüyü tədbirlər hesabına inflyasiya birrəqəmli səviyyədə qalıb. Ötən ildən icrasına başlanılmış tədbirlər bu il davam etdiriləcək. Neft-qaz sektorunda azalma, qeyri-neft-qaz sektorunda isə artım davam edir. Ticarət və tədiyyə balansında sabitlik müşahidə olunur", - deyə nazir əlavə edib. (Report)
