Rusiya iş adamları və bizneslərinin, eləcə də vətəndaşlarının Türkiyəyə yatırımları kəskin artıb.
Almaniyanın özəl klinika şəbəkəsi Azərbaycanda işləmək üçün - PREZİDENTƏ MÜRACİƏT ETDİ
FED.az xəbər verir ki, 2022-ci ildə Türkiyədə Rusiya firmalarının sayının 8 dəfə artdığını bildirilir.
2021-ci ildə Türkiyədə Rusiyanın iştirakı ilə yaradılan şirkətlərin sayı 200-dən az, 2022-ci ildə isə 1,3 mindən çox olub. Üstəlik bu dövrdə ruslar Türkiyədə satılan bütün daşınmaz əmlakın dörddə birini alıblar.
Rusiya hökuməti büdcəni doldurmaq üçün - BİZNESDƏN PUL TOPLAYIR – YENİ QANUN
Türkiyə Cümhuriyyəti İqtisadi Siyasət Araşdırmaları Vəqfinin (TEPAV) məlumatına görə, ötən il Türkiyədə rusiyalı tərəfdaşlarla qurulan şirkətlərin sayı 177-dən 1363-ə yüksələrək 7,7 dəfə artıb.
Ölkədə yeni şirkətlərin yaradılması sayına görə, İran iş adamları ikinci yerdədir (1,3 min firma). İlk 10-luğa İraq, Misir, Suriya və İordaniya kimi ölkələr də daxil olub. Ümumilikdə 2022-ci ildə Türkiyədə xarici kapitallı şirkətlərin sayı təxminən 50% artıb. Onların əksəriyyəti, təxminən 62%-i İstanbulda yerləşir.
2022-ci ildə ruslar Türkiyədə daha çox mənzil almağa başlayıblar: son bir ildə Rusiya vətəndaşları 16 312 mülk alıblar. Bu, xaricilərə satılan bütün mülklərin (təxminən 68 min obyekt) demək olar ki, dörddə birini təşkil edir. 2021-ci illə (5,4 min obyekt) müqayisədə rusların Türkiyədə aldıqları əmlakların sayı təxminən üç dəfə artıb. Ötən il Türkiyədə alınan mənzillərin sayına görə ruslar birinci yeri tutub.
Türkiyənin miqrasiya xidmətinin məlumatına görə, ruslar Türkiyədə yaşayış icazəsialmaq üzrə də birinci yerdədirlər. 2022-ci ildə 153 min Rusiya vətəndaşı Türkiyədə yaşamaq icazəsi alıb. Sonrakı yerləri 131 min nəfərlə İraq və 100 mindən insanla Suriya tutur.
