Rusiyanın Ukraynaya qarşı işğalçı hücumu və hərbi əməliyyatların başlanması regionun əmlak bazarına təsir etməyə başlayıb. FED.az xəbər verir ki, Türkiyənin Antalya kurortunda mənzillərin satışı və icarə haqları kəskin artıb.
“Kənd əhalisindən rüşvət yığaraq torpaqları bölüşdürüblər” - AÇIQLAMA
Rəsmi məlumatlara görə, 2022-ci ilin fevralında Antalyada 4727 mənzil və ev satılıb ki, bu da 2021-ci ilin eyni dövrü ilə müqayisədə 28% artıqdır.
Əmlak agertliklərinin məlumatına görə, mənzillərə tələbatın və satışların artımının əsas səbəbi Rusiyanın Ukraynaya hücumu və nəticədə bu ərazidəki insanların bir hissəsinin Türkiyəyə axışmasıdır. Bu axın bölgədə icarə haqlarının da artmasına səbəb olub.
Müharibə nəticəsində yaranmış təhlükəli va qeyri-müəyyən vəziyyətdən çıxmaq üçün bəzi şəxslər Antalyadakı dos tlarının və qohumlarını yanına köçməyi qərara alıblar. Bir sıra «qaçqın»lar isə burada mənzil almağa və ya icarəyə götürməyə üstünlük veriblər.
Nəticədə Antaliyada 4727 əmlak satılıb və bu ötən illə müqayisədə 285 artıqdır. Satılan əmlakların 1099-u xaricilərin payına düşür ki, burada ikiqat artım var.
Fevral ayında Rusiya vətəndaşları Antalyada 509 əmlak alıblar, bu iranlılardan (711) və iraqlılardan (633) sonra 3-cü göstəricidir. Bununla yanaşı, ekspertlər bildirir ki, Ukraynadakı əməliyyatların əmlak bazarına təsiri martın göstəricilərində daha çox hiss olunacaq.
Antaliyanın Ticarət-Sənaye palatasının rəhbəri Davut Çetinin sözlərinə görə, fevra ayında Antalya xaricilərin ən çox əmlak aldığı regionların siyahısında İstanbuldan sonra ikinci olub.
«Fevralda bütün Türkiyə üzrə xaricilərə əmlak satışı 5,65% artdığı halda, Antalyada xaricilərə əmlak satışı 23% artıb».
«TamNoktaNeo» əmlak şirkətinin brokeri və baş icraçı direktoru Ucur Fer isə bildirib ki, Antaliyda əmlaka tələbat müharibədən sonra kəskin artıb. Onun sözlərinə görə, 2,7 milyon nəfər əhalisi olan şəhərdə 30 min rusiyalı və 9 min ukraynalı yaşayır.
«Rusiyanın bəzi imkanlı şəxsləri burada birdəfəyə 20-30 mənzil aldı» deyə Fer bildirib.
