Azərbaycanın «Plato Capital and Co» İnvestisiya şirkəti 2019-cu ili zərərlə başa vurub.

Eləcə də bax: “PAŞA Kapital İnvestisiya Şirkəti”nin xalis mənfəəti - 66% ARTIB - HESABAT

FED.az şirkətin illik hesabatına istənadən xəbər verir ki, ötən il investisiya şirkətinin faiz gəlirləri 20,6 min manat, xərcləri 6,9 min manat, nəticələ  xalis faiz gəliri 13,7 min manat təşkil edib. Ötən il şirkət haqq və komissiya gəlirləri Əldə etməyib, halbuki, 2018-ci ildə bu maddə ilə 21 min manat qazanmışdı.

Nəticədə 2019-cu ildə  şirkətin xalis faiz gəlirləri 13,7 min manat təşkil edib ki, bu da 2018-ci illə müqayisədə 1,9 dəfə azdır.

Ötən il şirkətin xərcləri 108 min manata yaxın olub. Bu əvvəlki ildən 20% və ya 27 min manat azdır. Xərcləri böyük hissəsi - 62,4 min manat inzibati xərclərin (16% azalma), 28,4 min manatı əmək haqqının (40% azalma), 16,8 min manat isə gözlənilən kredit zərərinin payına düşüb (31% artıb).

Nəticədə «Plato Capital and Co» İnvestisiya şirkəti 2019-cu ili 94,2 min manat əməliyyat zərəri ilə başa vurub. Məzənnə fərqindən yaranan gəliri – 2 min manat – nəzərə alanda şirkətin mənfəət vergisindən əvvəlki zərəri 92,2 min manat olub. Bu əvvəlki illə müqayisədə 12 min manat azdır.

Mənfəət vergisi xərcini də çıxanda «Plato Capital and Co» İnvestisiya şirkəti

2019-cu ili 94,3 min manat xalis zərərlə başa vurub.

Bu əvvəlki illə müqayisədə 11 min manat azdır.

Ötən il «Plato Capital and Co» İnvestisiya şirkətinin cəmi aktivləri 3,1 dəfə artaraq 114,7 min manatdan 362, 3 min manata yüksəlib.

Cəmi öhdəliklər isə 37% artaraq 154,7 min manata yüksəlib.

Ötən il «Plato Capital and Co» İnvestisiya şirkətinin cəmi kapitalı 110 dəfə artaraq 1,9 min manatdan 208 min manata yüksəlib.

2019-cu ildə şirkət nizamnamə kapitalını 300 min mana artıraraq 380 min manatdan 680 min manta yüksəldib. Amma bunun 472 mni manatı yığılmış zərərdir.