Rusiya bu gündən etibarən “Şimal axını-1” qaz kəməri ilə Almaniyaya qaz nəqlini bərpa edib.
FED.az “Qafqazinfo”ya istinadən xəbər verir ki, bu barədə məlumatı “dpa” agentliyi yayıb.
Məlumata görə, aparılan texniki təmir işlərindən sonra kəmərin fəaliyyəti bərpa edilib.
Xatırladaq ki, Rusiya iyulun 11-də sözügedən qaz kəmərində təmir işlərinin aparılması məqsədilə Avropa İttifaqına (Aİ) qaz nəqlini dayandırmışdı. Avropa tərəfi Rusiyanın qaz nəqlini bərpa etməyəcəyindən ehtiyat edirdi.
