ABŞ-li bir rəsmi və mövzuya yaxın iki mənbəyə görə, İran Hörmüz Boğazının yenidən açılması və müharibənin dayandırılmasına dair yeni bir təklifi ABŞ-a çatdırıb.
ABŞ İranla əlaqələri olan 20 şirkətə və 19 gəmiyə sanksiya tətbiq edib
FED.az biznes və maliyyə xəbərləri portalıxəbər verir ki, təklifdə nüvə danışıqlarının növbəti bir mərhələyə saxlanılması nəzərdə tutulur.
Axios-un xəbərinə görə diplomatik proses "tıxanıb" və İran rəhbərliyi daxilində nüvə güzəştləri ilə bağlı fikir ayrılıqları mövcuddur. Sözügedən təklifin bu anlaşmazlığı aşaraq daha sürətli bir həll hədəflədiyi qeyd olunur.
Lakin ekspertlərə görə, boğazın açılması və blokadanın aradan qaldırılması ABŞ Prezidenti Donald Trampın İran üzərində ən mühüm təzyiq vasitələrindən birini ortadan qaldıra bilər. Vaşinqtonun hədəfləri arasında İranın zənginləşdirilmiş uran ehtiyatının azaldılması və uran zənginləşdirmə fəaliyyətlərinin dayandırılması yer alır.
Üç ABŞ rəsmisinə görə Prezident Trampın bazar ertəsi yüksək səviyyəli milli təhlükəsizlik komandası ilə İran məsələsini müzakirə etmək üçün bir toplantı keçirməsi gözlənilir. Görüşdə danışıqlardakı vəiyyət və mümkün növbəti addımlar nəzərdən keçiriləcək.
Tramp Fox News-a verdiyi açıqlamada İranın neft ixracını məhdudlaşdıran dəniz blokadasının davam etməli olduğunu bildirərək, bunun Tehranın qısa müddətdə geri addım atmağa məcbur edə biləcəyini söyləyib.
Digər tərəfdən, İranın xarici işlər naziri Abbas Əraqçının həftəsonu Pakistanda apardığı görüşlərdə irəliləyiş əldə olunmadığı bildirilir. ABŞ tərəfi, Əraqçı ilə İslamabadda görüşməyi planlaşdıran xüsusi nümayəndələr Stiv Uitkoff və Cared Kuşnerin səfərini ləğv edib.
Əraqçının bazar ertəsi Moskvada Rusiya Prezidenti Vladimir Putin ilə görüşəcəyi gözlənildiyi də qeyd olunur.
Diplomatik mənbələrə görə İran, pakistanlı vasitəçilər vasitəsilə çatdırdığı yeni təklifində - əvvəlcə boğaz böhranının həllini, ardınca uzunmüddətli atəşkəs və ya daimi sülh sazişini nəzərdə tutur. Nüvə danışıqlarının isə yalnız bu mərhələdən sonra başlanması planlaşdırılır.
Ağ Evin təklifi aldığı, lakin ABŞ-nin bu təklifə necə cavab verəcəyinin hələlik aydın olmadığı qeyd olunur. (Marja)
