2025-ci ilin yanvarı ilə avqust ayları arasında "Xalq Bank"ın dollar əmanət faizlərində nəzərəçarpacaq dəyişikliklər olub.

Ən sərfəli dollar əmanəti hansı bankdadır? – BANKLAR, ŞƏRTLƏR, SİYAHI (Avqust, 2025)

FED.az xəbər verir ki, faiz artımı həm “Proqres”, həm də adi müddətli əmanət məhsulunda müşahidə olunub. 

Belə ki, “Proqres” əmanətində 12 aylıq depozit üzrə yanvarda aylıq ödənişlə və müddətin sonunda ödənişlə faiz 0,5% idi. Avqust ayında isə bu göstəricilər əhəmiyyətli dərəcədə artaraq aylıq 1,75%, müddətin sonunda isə 2,25%-ə çatıb. 

Adi müddətli əmanətlərdə də artım müşahidə olunub. 6 aylıq depozit üçün yanvarda aylıq ödənişlə faiz 0,1%, müddətin sonunda isə 0,2% idi, avqustda isə bu göstəricilər müvafiq olaraq 1% və 1,5%-ə yüksəlib. 9 aylıq müddətdə olan əmanətlərdə yanvarda aylıq əsasla ödənişdə 0,2% və müddətin sonunda ödənişlə 0,3% olan faizlər avqustda uyğun olaraq 1,5% və 2%-ə qalxıb. 12 aylıq müddətli depozitlərdə isə aylıq ödənişlə faiz 0,4%-dən 2%-ə, müddətin sonunda isə 0,5%-dən 2,5%-ə qədər artıb.