AMEA “Elm Və Texnologiya Parkı” MMC balansındakı avadanlıqları hərraca çıxarır.
FED.az xəbər verir ki, AMEA “Elm Və Texnologiya Parkı” Məhdud Məsuliyyətli Cəmiyyətinin balansında olan müxtəlif təyinatlı texniki avadanlıqlar hərraca çıxarılıb. Hərracda təqdim olunan avadanlıqların hər biri üzrə start qiymətləri və ödənilməli beh məbləğləri müəyyən edilib.
Balanssaxlayıcı müəssisənin açıqladığı məlumata görə, hərraca çıxarılan avadanlıqlar sırasına 70 tonluq yağ çəni daxildir. Bu avadanlığın start qiyməti 4 min 900 manat, beh məbləği isə 490 manat olaraq müəyyən edilib.
Bundan başqa, 60 tonluq yağ çənindən üç ədəd təqdim olunur və bu avadanlıqlar üzrə start qiyməti 13 min 800 manat, beh məbləği isə 1 min 380 manat təşkil edir.
Hərraca çıxarılan digər mühüm avadanlıqlardan biri də xammal boru sistemi və estakada (qurğu platforması)dır. Bu avadanlıq üçün start qiyməti 2 min 800 manat, beh məbləği isə 280 manat müəyyən edilib.
Balansda olan 5 kubluq, divar qalınlığı 8 millimetrlik nerj termos reaktor (qızdırıcı ten ilə) üçün start qiyməti 4 min 900 manat, beh məbləği 490 manatdır.
Bununla yanaşı, 4 kubluq, divar qalınlığı 8 millimetrlik nerj termos reaktordan üç ədəd satışa çıxarılıb. Hər bir reaktorun start qiyməti 14 min 400 manat, beh məbləği isə 1 min 440 manatdır.
Hərracda həmçinin 16 ədəd elektron tərəzi təqdim edilir. Bu avadanlıqlar üzrə start qiyməti 1 min 280 manat, beh isə 128 manatdır.
Balansdakı digər ölçü cihazları da satışdadır. Belə ki, 4 ədəd termometr üçün start qiyməti 120 manat, beh məbləği isə 12 manat müəyyən olunub. Bununla yanaşı, 8 ədəd manometr 240 manat start qiyməti və 24 manat beh ilə satışa çıxarılıb.
Avadanlıqlar arasında 36 ədəd krant (vintel) də yer alır. Bu qurğular üzrə start qiyməti 1 min 800 manat, beh məbləği isə 180 manatdır.
Elan olunan digər avadanlıq – 4 ədəd xammal filteridir və onlar 200 manat start qiyməti, 20 manat beh məbləği ilə təqdim olunur.
Bundan başqa, 4 ədəd hava qovan da hərrac siyahısına daxil edilib. Bu avadanlıqlar üçün start qiyməti 280 manat, beh məbləği isə 28 manatdır.
Hərracda 28 ədəd pnevmatik valf (2 düyümlük, yuxarıda/aşağıda) da satışa çıxarılıb. Bu avadanlığın start qiyməti 4 min 480 manat, beh məbləği isə 448 manat təşkil edir.
Reaktor motorlarından dörd ədədi də satışdadır və onların start qiyməti 2 min 800 manat, beh məbləği isə 280 manat olaraq göstərilib.
Balansda yer alan digər avadanlıqlardan biri su nasosudur. Bu avadanlıq üçün start qiyməti 40 manat, beh məbləği isə 4 manat təşkil edir.
Eyni zamanda, “Lubricant Filling Machine” avadanlığı da hərraca çıxarılıb. Bu qurğu üçün müəyyən edilmiş start qiyməti 600 manat, beh məbləği isə 60 manatdır.
Balansda olan kompressor 300 manat start qiyməti və 30 manat beh ilə, “Ştabliyor Ameise” qurğusu isə 200 manat start qiyməti və 20 manat beh ilə satışa çıxarılır.
Hərrac siyahısına daxil edilən digər avadanlıq 200 manat start qiymətinə və 20 manat beh məbləğinə malik elektrik şkafıdır.
Son olaraq, 6 ədəd 6 kiloqramlıq yanğınsöndürən 60 manat start qiyməti və 6 manat beh məbləği ilə hərraca təqdim edilir.
