“Gələcəkdə hər şey yaxşı olacaq” ümidi ilə insanlar bu gün heç nə etmirlər.
Eləcə də bax: “Maliyyə tapmacaları”nın açması – ƏKRƏM HƏSƏNOV YAZIR
Amma əslində gələcəyi hamımız bu gün hazırlayırıq. Gələcəkdəki, 10 il sonrakı mən üçün mən bu gün çalışmalıyam. Bir problem var sadəcə - başım gündəlik işlərlə o qədər qarışmış olur ki, 10 il sonrakı özümə zamanım olmur. Nəticədə isə keçən zamanda heç bir dəyişiklik olmadan və ancaq biyoloji olaraq yaşlanırıq.
Bir insan təsəvvür edin. Bu yazını oxuyan hərkəs özünü düşünsün.
168 saat. 7 gün. Hər gün iş – ev – ev işləri – yolda xərclənən saat – boş zamanlara sığdırılan kiçik və böyük əyləncələr. Və ümidlər – 10 il sonra hər şey daha yaxşı olacaq.
Amma müsairləşdirilməyən biliklər köhnəlir. Dəyişdirilməyən pis vərdişlər tam qanınıza, canınıza oturur.
Danışıq, bədən dili, ünsiyyət bacarığı, peşəkar biliklər – hamısı olduğu kimi qalır.
Bədənimiz fiziki olaraq pas atır.
10 il sonra daha yaxşı şərtlər üçün nəinki hazır olur insan – tam tərsi, var gücü ilə özünü geri sürükləmiş olur.
GƏLƏCƏYİ ÜÇÜN bu gün barmağını belə tərpətməyən və bütün gününü mənasız işlər və kiçik zövqlərə ayıran insan 10 il sonra BƏXTİNDƏN narazılıq edəcək.
NƏ ETMƏLİ?
10 il sonrakı özümüz üçün MÜTLƏQ hər gün zaman ayırmaq lazımdır.
Və özümüzə hər gün axşam yatağa girmədən öncə bir sual verin – 10 il sonrakı özüm üçün son 24 saatda nə etdim?
Hərkəsə effektiv, müsbət və gözəl həftə arzu edirəm!
