Azərbaycandakı avtomobillərin sayı açıqlanıb. FED.az xəbər verir ki, 2018-ci ildə Azərbaycanda nəqliyyat vasitələrinin sayı 28 min 250 ədəd artıb. 31 Dekabr 2018-ci il tarixində Azərbaycanda 1 milyon 370 min 574 ədəd nəqliyyat vasitəsi qeydiyyatda olub.
2017-ci ildə qeydiyyatda olan nəqliyyat vasitələrinin sayı 11 min 773 ədəd artmış və həmin ilin sonunda 1 milyon 342 min 324 ədədə çatmışdı.
Ötən ilin sonunda qeydiyyatda olmuş nəqliyyat vasitlərinin 85%-ni və ya 1 milyon 170 min 672 ədədini minik avtomobilləri təşkil edib.
Ötən ilin sonunda minik avtomobillərinin 896 min 307 ədədinin və ya 76,5%-nin yaşı 10 ildən yuxarı olub. Cəmi 72 min 266 ədəd avtomobilin yaşı 5 ilə qədərdir. Yaşı 5-10 il civarında olan minik avtomobillərin sayı isə 202 min 99 ədəd təşkil edib.
Azərbaycanda hər 1000 nəfərə 140 avtomobil, hər 1000 nəfərə 119 minik avtomobili, hər 100 ailəyə isə 53 minik avtomobili düşüb.
