Banner

Qeyri-Bank

Səhmdarlar razı qalıb, kreditləri 4 dəfə artıracaq

Səhmdarlar razı qalıb, kreditləri 4 dəfə artıracaq | FED.az
09:33 5 Fev 2019

2014-cü ilin sonunda 220 milyon manat cəmi aktivlərə, 185 milyon kredit portfelinə və 65 filiala malik olan “Finca Azerbaijan” qeyri-bank kredit təşkilatı devalvasiyalar ilə əlaqədar olaraq kəskin şəkildə kiçilmişdi. FED.az xəbər verir ki, 2017-ci ilin sonunda “Finca Azerbaijan”ın cəmi aktivləri təxminən 8 milyon manatadək, kredit portfeli 3 milyon manatadək, filiallarının sayı isə 5-dək düşmüşdü.

Çətinliklər olsa da “Finca Azerbaijan”  ötən 3 il ərzində borclu müştərilər ilə işləməkdə davam edib, çətinliyi olan müştərilərə dəstək verib, bununla da problemli kreditləri və özünün kredit borcunu kəskin azaldıb. 2019-cu ildən“Finca Azerbaijan”  yenidən böyümək üçün hərəkətə keçib.

 

“AZƏRBAYCANDA VƏZİYYƏTİN DÜZƏLDİYİNİ GÖRÜRÜK”

“FINCA Azerbaijan”ın üzrə direktoru Timoti Tarrant jurnalistlər ilə görüşündə bildirib ki, 2018-ci ildə təşkilatın sağlamlaşdırılması böyük ölçüdə tamamlanıb və mənfəət əldə edilib:

“Biz artıq görürük, müəyyən müddətdir ki, Azərbaycanda göstəricilər yaxşılaşıb,  vəziyyət düzəlir. Bu düzəlmiş bazar şəraitində “Finca Azerbiajan” yaxşı mövqedədir. Son 3 ərzində “Finca Azerbiajan” ödəniş etməkdə çətinlik çəkən müştərilər ilə işləməyə  fokuslanmışdı.  2017 və 2018-ci illəri “Finca Azerbiajan”  mənfəət ilə başa vurub. 2019-cu ildə də güclü maliyyə göstəriciləri gözləyirik”.
 

Eləcə də bax: “FINCA Azerbaijan” Ağsu rayonunda yeni filialını açdı  
 

“SƏHMDARIMIZ 2019-DA KAPİTALI ARTIRACAQ”

Timoti Tarrant əlavə edib ki, “FINCA Azerbaijan”ın son 3 ildəki uğurlu fəaliyyəti səhmdarı razı salıb və 2019-cu ildə “Finca Azerbiajan”ın kapitalının artırılmasına qərar verilib:

“Bu kapital 2019-cu ildə bizə imkan yaradacaq ki, kənd ərazilərində öz əməliyyatlarımızı genişləndirək. Bizim səhmdarımız “FINCA Impact Finance's” düşünür ki, Azərbaycan bazarının çox böyük iqtisadi imkanları var və gələcəyə optimist yanaşır.

“Finca Azerbiajan”ın məqsədi dəyişməyib, kənd ərazilərində xüsusilə kənd təsərrüfatı kreditlərinin verilməsinə fokuslanacağıq. Daha çox səmərəlilik üzərində dayanacağıq və iqtisadi şoklara hazırlıqlı olacağıq. Kənd yerlərində məsuliyyətli maliyyə xidmətləri göstərməyə davam edəcəyik”.

 

YENİ MÜŞTƏRİLƏRƏ 2020-DƏN XİDMƏT GÖSTƏRİLƏCƏK

Timoti Tarrant vurğuladı ki, “Finca Azerbiajan” 2019-cu ildə mövcud müştərilərinə xidmət göstərəcək, təşklat yeni müştərilərə isə 2020-ci ildə açıq olacaqdır.

 

2019-DA 8 YENİ FİLİAL AÇILACAQ

“Finca Azerbiajan”ın rəhbəri qeyd etdi ki, 2019-cu ildə Abşeron yarımadasından kənarda yeni filiallar açılacaqdır. Filialların açılacağı rayon və şəhərlərin adları isə hələlik açıqlanmır:

“Ötən illər ərzində şəbəkəmizi kiçiltdik. Çətin bir dövr idi. Hazırda yenidən böyüyürük. “Finca Azerbiajan” 2019-cu ildə regioanlarda 8 filial açmağı planlaşdırır. Artıq açılması nəzərdə tutulan filiallardan biri Ağsuda istifadəyə verilib. Kçik və orta sahibkarlara məsuliyyətli maliyyə xidmətləri göstərməyi qarşımıza məqsəd qoymuşuq”.

 

MÜŞTƏRİLƏRƏ VERİLƏN KREDİTLƏRİN 4 DƏFƏ ARTIRILMASI PLANI

2019-cu ildə “Finca Azerbiajan”ın kredit portfelinin ən azı 4 dəfə artırılması nəzərdə tutulur:

“Hazırda 5 minə yaxın müştərimiz və 8- 9 milyon manat civarında kredit portfelimiz var. Bizim planımız portfeli bu il 38-39 milyon manat səviyyəsinə qaldırmaqdır. İlin əvvəlindən yavaş-yavaş başlamışıq, ilin ikinci yarısından isə əməliyyatları sürətləndirəcəyik”.

Timoti Tarrant əlavə edib ki, “Finca Azerbiajan” müştərilərə tarixçələrindən asılı olaraq girovsuz kreditlər təklif edir.

Banner

Digər xəbərlər

SORĞU

Azərbaycanda hansı həyat sığortası şirkətinə etibar edirsiniz?