Ləğv prosesində olan "Vijn Fond Azərkredit" MMC bank olmayan kredit təşkilatı (BOKT) kreditorlarının tələblərini ödəməyə başlayacaq.
Eləcə də bax: Azərbaycanda 12 BOKT-un mənfəət vergisi ödəmələri - AZALIB
FED.az bu barədə İqtisadiyyat Nazirliyi yanında Dövlət Vergi Xidmətinin "Vergilər" qəzetinə istinadən xəbər verir.
Məlumata görə, ötən gün BOKT-un təsisçilərinin ümumi yığıncağı keçirilib. Yığıncaqda kredit təşkilatının, hüquq və vəzifələri varislik qaydasında başqa şəxslərə keçmədən ləğv edilməsi barədə qərar qəbul edilib.
Kreditorlar tələblərini 2 ay ərzində Bakı Şəhəri, Yasamal rayonu, İzmir küçəsi, 8 ünvana bildirə bilərlər. Ödənişi növbəlilik qaydasında ləğvetmə komissiyası həyata keçirəcək.
