Kreditlərin verilməsi fəaliyyətilə məşğul olan "Regional" BOKT 2025-ci ilin ilk 6 ayı üzrə maliyyə vəziyyətini açıqlayıb.
FED.az xəbər verir ki, kredit təşkilatının faiz gəlirləri 769,7 min manata bərabər olub. Ötən ilin eyni dövrü ilə müqayisədə 301,8 min manat (64,5%) artıb. Nəticədə şirkətin xalis faiz gəlirləri 490,9 min manata yüksələrək 2,1 dəfə artıb.
Qeyri-adi gəlirlər də 106,2 min manata bərabər olub. İllik 52,4 min manat (97,4%) artım baş verib.
Bu iki güclü amilin birgə təsiri ilə şirkətin cəmi gəlirləri 597,1 min manata yüksəlib ki, bu da illik müqayisədə 13,6 dəfəlik artım deməkdir.
Gəlirlərin artması ilə yanaşı, əmək haqqı xərcləri (283,7 min manat) və "Xüsusi ehtiyat fondu"na edilən ayırmalar (36,7 min manat) da artıb.
Nəticədə, bütün bu amillərin yekununda şirkət ötən ilki 10,5 min manatlıq mənfəətlə müqayisədə, bu il 125 min manat vergidən əvvəlki mənfəət əldə edib ki, bu da 11,9 dəfəlik artım deməkdir.
Balans hesabatının detallı təhlili
Aktivlər 1,5 milyon manata yaxın artıb
Şirkətin aktivlərinin cəmi 5,2 milyon manata yüksələrək, il ərzində 1,5 milyon manata yaxın (39,3%) artıb.
Bu artımın əsas səbəbi, şirkətin kredit portfelinin 4,6 milyon manata yüksələrək 1,4 milyon manat (43,7%) artmasıdır.
Bununla yanaşı, şirkətin nağd pul və bank hesabları 106,6 min manata enərək 61 min manat (36,4%) azalıb. Hesablanmış faizlər isə 90 min manata yüksəlib.
Kapital kəskin artıb, öhdəliklər isə cüzi enib
Bununla yanaşı kapitalın cəmi 1 milyon 235 min manata yüksələrək, il ərzində 906,3 min manat və ya 3,8 dəfə artıb. Bu kəskin artımın əsas səbəbi, şirkətin nizamnamə kapitalının 500,1 min manatdan 1,1 milyon manata çatdırılması (2,2 dəfə artım) və bölüşdürülməmiş mənfəətin mənfi 171,3 min manatdan müsbət 135,0 min manata keçməsidir.
Müsbət hal kimi, kredit təşkilatı borc yükünü azaltmağa nail olub. Öhdəliklərin cəmi 4,0 milyon manata bərabər olub ki, bu da illik 576,1 min manat (16,8%) artımdır. Bu artım əsasən maliyyə sektorundan alınmış kreditlərin 1,9 milyon manata yüksələrək 1,0 milyon manat (2,1 dəfə) artması hesabına baş verib.
