«Kredit Servis» BOKT MMC 2022-ci il üzrə maliyyə nəticələrini və audit rəyini açıqlayıb.
FED.az şirkətin hesabatına istinadən xəbər verir ki, 2022-ci ildə «Kredit Servis» BOKT-un faiz gəlirləri 267,9 min manat, maliyyə gəlirləri 28 min manat olub. Nəticədə şirkətin il üzrə əməliyyat gəlirləri 295,9 min manat təşkil edib.
2022-ci ildə «Kredit Servis» BOKT-in maliyyə gəlirləri, yəni vaxtı keçmiş kreditlərə görə ehtiyat ayırmaları 10,8 min manat olub.
BOKT-un işçi heyətinə çəkilən xərclər 150,8 min manat, inzibati xərcləri isə 71,1 min manat olub.
Nəticədə şirkətin illik əməliyyat mənfəəti 63,2 min manat formalaşıb., bndan 12,8 min manat mənfəət vergisi kimi ödənilib.
«Kredit Servis» BOKT-un illik xalis mənfəəti isə 50,1 min manat təşkil edib.
2022-ci ilin yekununa görə, «Kredit Servis» BOKT-un cəmi aktivləri 1 milyon 448 min manat, kredit portfeli 986 min manat təşkil edib.
Nağd pul vəsaitləri və hesabdakı qalıqlar isə 2 dəfə artaraq 456 min maat təşkil edib.
2022-ci ilin nəticələrinə görə, «Kredit Servis» BOKT-un öhdəliklərinin həcmi güzidir – 97 min manat. Əvvəlki illə müqayisədə bu məbləğ 40 azdır.
Şirkətin nizamnamə kapitalı isə 1 milyon 351 min manatdır. Bunun 1 milyon 283 min manatı səhmdar kapitalı, 68 min manat isə əvvəlki illərdən qalan bölüşdürülməyən mənfəətdir.
«Kredit-Servis» MMC-nin 2022-ci ildəki fəaliyyəti üzrə – AUDİTOR RƏYİ VƏ İLLİK HESABAT
