Banner

Qeyri-Bank

II Milli Mühasiblər Forumuna qeydiyyat üçün 3 GÜN QALDI

II Milli Mühasiblər Forumuna qeydiyyat üçün 3 GÜN QALDI | FED.az
17:59 27 Fev 2018
Məlum olduğu kimi, ölkəmizdə mühasibat uçotu sahəsində müasir çağırışları nəzərə alaraq Azərbaycan Respublikası Vergilər Nazirliyi, Azərbaycan Respublikası Auditorlar Palatası, Azərbaycan Respublikası Sahibkarlar (İşəgötürənlər) Təşkilatları Milli Konfederasiyası, İqtisadi Resursların Öyrənilməsi İB, Azərbaycan Mühasiblər və Risk Peşəkarları Assosasiyası (ARPA), İqtisadi Araşdırmalar və Tədris Mərkəzi (İATM) və Gənc Mühasiblər Birliyinin birgə təşkilatçılığı ilə 28-29 aprel 2018-ci il tarixlərində Şamaxı rayonundakı AR Vergilər Nazirliyinin Tədris Mərkəzində II Milli Mühasiblər Forumu keçiriləcəkdir.
Foruma mühasibat uçotu sahəsində Azərbaycanda tanınmış məşhur spikerlər dəvət olunmuşdur ki, bu da iştirakçıların peşə hazırlığının daha da artırılmasına, mühüm biliklər əldə etmələrinə və tədbir boyu vaxtlarının səmərəli keçməsinə kömək edəcəkdir. Həmin spikerlər haqqında geniş məlumat http://mmf.az/#team səhifəsində verilmişdir.
Forum iştirakçıları üçün ən maraqlı məqamlardan biri də mühasibat uçotu sahəsində Respublika üzrə II Breyn-Rinq yarışmasının olmasıdır. https://www.youtube.com/watch?v=HMpQsCgWJe0&feature=youtu.be
Qeyd edək ki, II Milli Mühasiblər Forumunda iştirakla bağlı heç bir ödəniş tələb olunmur. Bütün xərclər Forumun Təşkilat Komitəsi tərəfindən qarşılanacaqdır. Dinləyici kimi iştirak arzusunda olanlar 01 Mart 2018-ci il tarixinə qədər bu istəklərini Təşkilat Komitəsinə bildirməlidirlər.
Müraciət etmək üçün www.mmf.az elektron saytında “Qeydiyyat” pəncərəsinə daxil olub elektron qaydada formanı tam doldurub göndərmək lazımdır. Bundan sonra elektron qeydiyyat formasında göstərdiyiniz e-mail ünvanınıza 3 gün ərzində xüsusi ərizə forması göndərilir. Həmin ərizəni tez bir zamanda tam doldurub ərizə gələn e-mail ünvana göndərməlisiniz. Bu da hələ iştirak hüququ əldə etməyiniz deyildir. Daha sonra 2018-ci ilin mart ayının ilk həftəsi MMF-in Təşkilat Komitəsinin üzvləri ərizəçinin göndərdiyi məlumatları təhlil edərək tədbirin keçirilmə məqsədlərinə ən uyğun şəxsləri şeçəcəklər. Seçilmiş şəxslərə xüsusi dəvətnamələr göndəriləcək ki, bununlada onlar Forumda tam iştirak hüququ əldə etmiş olacaqlar.
Forumda iştirak edənlərə SERTİFİKAT veriləcəkdir.


Digər xəbərlər

Banner