Azərbaycanın tanınmış bank olmayan kreit təşkilatlarından biri - «Finex Kredit» BOKT növbəti dövrü zərərlə tamamlayıb.
FED.az xəbər verir ki, 2020-ci ildən bəri zərərlə işləyən BOKT 2023-cü ilin ilk yarısını da zərərlə başa vurub.
Şirkətin açıqladığı hesabata əsasən 2023-cü ilin ilk yarısında şirkətin faiz gəlirləri 375 min manat, qeyri faiz gəlirləri isə 61 min maat, yəni ümumi gəlirləri 436 min manat olub.
Bu dövrdə şirkəti faiz xərcləri 148 min manat, qeyri-faiz xərcləri isə 404 min manat, yəni ümumi xərcləri 552 min manat olub.
İlk yarım ildə «Finex Kredit» BOKT-un faiz xərclərinin 31 min manatı banklardan alınan kreditlərə görə faizlər, 117 min manat isə BOKT-un buraxdığı istiqrazlara görə ödədiyi faizlər olub.
Qeyri faiz gəlirlərinin 248 min manatı əmək haqqı, 65 min manatı amortizasiya xərcləri, 43 min manatı göstərilən xidmətlərə görə ödənilən haqqlar, 48 min manat isə digər xərclər olub.
Nəticədə BOKT yarım ili 115 min manat zərərlə başa vurub.
Ötən ili eyni dövrünə, yəni 2022-ci ilin yarım ilinə nisbətən şirkətin faiz gəlirləri 40 min manat və ya 10%, faiz xərcləri isə təqribən 2 dəfə azalıb.
2023-cü ildə şirkət qənaətə keçib – belə ki, qeyri-faiz xərclərində 20 min manat və ya 5% azalma baş verib.
Azalma maddələrinin biri əmək haqqı ilə bağlıdır- «Finex Kredit» BOKT 2022-ci ilin ilk 6 ayında 275 min manat əmək haqqı ödədiyi halda, bu il həmin göstərici yuxarıda qeyd edildiyi kimi, 248 min manata enib. Bu da işçilərin ixtisarı və ya maaşların məbləğinin azaldılması ilə bağlı ola bilər.
Qeyd edək ki, şirkət ötən ilin yarısını da 228 min manat zərərlə başa vurmuşdu – yəni yeganə müsbət cəhət zərərin məbləğinin 2 dəfə azalması olub.
BOKT-un kredit portfeli isə son bir ildə 500 min manat azalaraq 3,4 milyon manatdan 2,9 milyon manata enib.
