2020-ci ildə Azərbaycanda fəaliyyət göstərmiş və illik maliyyə hesabatını açıqlamış 42 BOKT-dan 4-nün bu il yanvarın 1-nə kredit portfeli 15 milyon manatdan çoxdur.
Eləcə də bax: "Kəpəz" BOKT-un nizamnamə kapitalı - ARTIRILIB
FED.az biznes və maliyyə xəbərləri portalı Renkinq-ə istinadən xəbər verir ki, bunlar “Aqrarkredit” (73,857 milyon manat), “Embafinans” (27,409 milyon manat), “Finoko” (18,561 milyon manat) “FİNKA Azərbaycan”dır (17,946 milyon manat).
3 BOKT-un kredit portfeli 10-15 milyon manat arasında, 24 BOKT-un kredit portfeli 1-10 milyon manat arasında, 11 BOKT-un kredit portfeli isə 1 milyon manatdan azdır.
8 BOKT - “Aset Maliyyə Texnologiyaları”, “Azəri Star Mikromaliyyə”, “Azpul”, “Caspian İnvest”, “Finans Kredit”, “Omni Finance”, “Para” və “Pro Kredit” 2020-ci ilin, 1 BOKT – “Fintrend” isə 2019-cu ilin hesabatını verməyib, 4 BOKT - “Azfinans”, “Azkredit”, “FNC” və “Nas Project” mikromaliyyə bazarına 2021-ci ildə, 4 BOKT - “Azpul”, “Finans Kredit”, “Optimal Finance” və “Prior Credit” isə 2020-ci ildə daxil olub.
***
2019-2020-ci illərdə bazarda olmuş və hesabat vermiş 39 BOKT-dan 15-i ötən il kredit portfelini artırıb. Bunlar “Falcon Finance”, “TCF”, “Kredex”, “Brand Credit”, “FİNKA Azərbaycan”, “City Finance”, “International”, “Finans İnvest”, “Qafqaz-Kredit”, “Azmikroinvest”, “İDK”, “Kəpəz”, “Viator Mikrokredit Azərbaycan”, “Avrasiya-Kredit” və “Asel Kredit”dir. Ən yüksək dinamika “Falcon Finance” (21,3 dəfə), ən aşağı dinamika isə “Asel Kredit”də (3,8%) qeydə alınıb.
1 BOKT-un - “MJ Financial Services”in kredit portfeli ötən ildən formalaşıb, odur ki, onun kredit portfelinin dinamikasını hesablamaq mümkün olmayıb.
Qalan 23 BOKT-un isə kredit portfeli azalıb. Ən çox azalma “Birkart”da (93%), ən az azalma isə “Finoko”da (2,6%) qeydə alınıb.
