Dollar/şekel məzənnəsi çərşənbə axşamı geosiyasi risklər fonunda 4 şekeldən yuxarıdır ki, bu da son səkkiz il yarımın ən yüksək dəyəridir.
FED.az xəbər verir ki, bunu ticarət məlumatları göstərir.
Bu gün səhər dollar/şekel məzənnəsi 4.0266 şekeli görüb. Məzənnə 2015-ci ilin aprelindən bəri ilk dəfə olaraq bir dollar üçün 4 şekeldən yuxarı qalxıb.
Oktyabrın əvvəlindən şekel dollara nisbətdə 5%-dən çox, bir gün əvvəl 1% ucuzlaşıb, valyutanın zəifləməsi geosiyasi qeyri-sabitlik fonunda baş verir.
Oktyabrın 7-də səhər saatlarında Fələstinin HƏMAS hərəkatının hərbi qanadının elan etdiyi "Əl-Əqsa" tufanı əməliyyatı çərçivəsində İsrail Qəzza zolağından görünməmiş miqyaslı raket hücumuna məruz qalıb. Buna cavab olaraq İsrail Müdafiə Qüvvələri Qəzza zolağında HƏMAS-a qarşı "Dəmir Qılınclar" əməliyyatına başlayıb.
Hücumdan bir neçə gün sonra İsrail hərbçiləri Qəzza sərhədi yaxınlığındakı bütün yaşayış məntəqələrini nəzarətə götürüb və zolağındakı hədəflərə, o cümlədən mülki şəxslərə hava zərbələri endirməyə başlayıb. İsrail həmçinin Qəzza zolağının tam blokadaya alındığını elan edib: su, qida, elektrik, dərman və yanacaq tədarükü dayandırılıb.
Qəzza zolağında və İsraildə ölənlərin sayı minlərlərdir. Müxtəlif mənbələrə görə, HƏMAS 150-yə yaxın israillini əsir saxlaya bilər. (Marja)
