«Azərelektrikşəbəkətikinti» ASC 2019-cu ildə mənfəətini 3 qat artırıb.
Eləcə də bax: «Xəzər-Lada»nın satışı kəskin artsa da, mənfəəti azalıb - HESABAT
FED.az xəbər verir ki, bu barədə şirkətin 2019-cu il üzrə hesabatında bildiridir. Hesabatda göstərilir ki, ötən il «Azərelektrikşəbəkətikinti» ASC-nin gəlirləri 25 milyon 826,7 min manat təşkil edib. Bu 2018-ci ildə müqayisədə, 15 milyon manat və ya 2,4 dəfə artıqdır.
Şirekətin xərcləri isə 22 milyon 91 min manat olub ki, bu da əvvəlki ildən 12,7 milyon manat və ya 2,3 dəfə artıqdır.
Nəticədə 2019-da şirkətin əməliyyat mənfəəti 3 milyon 787 min manat təşkil edib ki, bu da əvvəlki ildən 3 dəfə artıqdır.
757,5 min manat mənfəət vergisi ödənişindən sonra isə «Azərelektrikşəbəkətikinti» ASC-nin xalis mənfəəti 3 milyon 30 min manat olub. Bu da əvvəlki illə müqayisədə 3 dəfə artıqdır.
Qeyd edək ki, belə böyük xalis mənfəət əldə edən şirkətin aktivləri o qədər də böyük deyil.
Hesabatdan aydın olur ki, 2019-cu ildə şirkətin aktivləri 38% azalaraq 8 milyon manatdan 5 milyon manata enib. Aktivlərin azalmasına baxmayaraq şirkətin kapitalı iki dəfədən çox artaraq 1,4 milyondan 3,3 milyon manata yüksəlib.
Məlum olur ki, aktivlərin azalması şirkətin borclarını qaytarması ilə əlaqədardır. Ötən il «Azərelektrikşəbəkətikinti» ASC 5,5 milyon manata yaxın kredit qaytarıb.
