Azərbaycan Rusiyanın "Qazprom" şirkətindən yenidən qaz almaq niyyətindədir.
Azərbaycanda 9 ayda hasil edilən qazın həcmi açıqlanıb
FED.az xəbər verir ki, "TASS"ın məlumatına görə, bunu SOCAR-ın vitse-prezidenti Elşad Nəsirov Rusiya Enerji Həftəsi çərçivəsində bildirib.
""Qazprom" kimi nəhəng şirkətlə əməkdaşlığımızın çox düzgün nümunə olduğunu qürurla deyə bilərik. Çünki, yəqin ki, SOCAR dünyada əvvəlcə “Qazprom”dan qaz alan, daha sonra "Qazprom"a qaz tədarük edən, indi isə yenidən qaz almaq istəyən yeganə şirkətdi", - deyə o bildirib.
Jurnalistlərin Azərbaycanın “Qazprom”dan nə qədər qaz almaq istədiyi ilə bağlı sualını cavablandıran Elşad Nəsirov hələlik bu barədə məlumatın olmadığını qeyd edib.
"Bu, sadəcə, bizim həm qaz aldığımızı, həm də qaz satdığımızı təsdiq edən faktdır. Konkret planlar yoxdur", – deyə Elşad Nəsirov vurğulayıb.
