Rusiya taxıl müqaviləsinə qayıtdıqdan sonra buğdanın qiyməti kəskin şəkildə aşağı düşüb
Rusiya “Taxıl sazişi”ndə iştirakını bərpa etdiyini təsdiqləyib: "Ukraynadan zəmanət alınıb"
FED.az xəbər verir ki, Rusiya Müdafiə Nazirliyinin taxıl sövdələşməsinə qayıtması barədə açıqlamasından sonra taxılın qiyməti kəskin şəkildə aşağı düşüb.
Çikaqo əmtəə birjasında buğdanın dekabr fyuçerslərinin dəyəri 6,32% ucuzlaşaraq 8,45 dollar/buşelə düşüb. Sonradan bahalaşma 5,55% -ə qədər yavaşladı, bir buşelin qiyməti 8,52 dollarda sabitləşdi.
Qarğıdalı üçün dekabr fyuçersləri 2,4% azalaraq 6,8 dollar/buşelə düşüb. Dekabr ayı üçün yulaf fyuçerslərinin qiyməti 2,61% ucuzlaşaraq 3,89 dollar/buşelə düşüb.
Şənbə günü, oktyabrın 29-da Ukrayna tərəfindən Qara dəniz donanmasının gəmilərinə və Rusiyanın mülki gəmilərə hücumlardan sonra Rusiya taxıl sazişində iştirakını dayandırmışdı.
Nəticədə, bazar ertəsi, oktyabrın 31-də Çikaqo birjasında buğdanın qiyməti 8%, qarğıdalı və yulaf isə müvafiq olaraq 3% və 6% bahalaşmışdı.
